លោក បៃឌិន បាននិយាយនៅក្នុងបទសម្ភាសន៍មួយថា៖ លោកសង្ឃឹមមុតមាំថា ទំនាក់ទំនងពិសេសនៃប្រទេសអង់គ្លេស និងអាមេរិក លើកិច្ចសហប្រតិបត្តិការយ៉ាងជិតស្និទ្ធលើបញ្ហាសកលនានា រួមទាំងការគាំទ្រឥតងាករេដល់អ៊ុយក្រែនក្នុងការធ្វើសង្គ្រាមប្រឆាំងនឹងរុស្សី នឹងមានភាពបោះជំហានទៅមុខកាន់តែប្រសើរ។
អ្វីដែលជា «ទំនាក់ទំនងពិសេស» រវាងសហរដ្ឋអាមេរិក និងចក្រភពអង់គ្លេសនោះ បានវិវត្តមករកភាពល្អប្រសើរ និងរឹងមាំឡើងវិញហើយ ក្រោយពីមានការប៉ះទង្គិចគ្នានាពេលកន្លងទៅ ក្រោមអតីតរដ្ឋការរបស់លោក Donald Trump និងអតីតនាយករដ្ឋមន្ត្រីអង់គ្លេស លោកស្រី Theresa May។
អត្ថបទគួរអាន
មែនទែនទៅ ទីក្រុងវ៉ាស៊ីនតោន និងទីក្រុងឡុងដ៍បាននឹងកំពុងពួតដៃគ្នាយ៉ាងរឹងមាំ ក្នុងការជួយដល់រដ្ឋាភិបាលទីក្រុងកៀវ ដើម្បីការទប់ទល់នឹងការឈ្លានពាសំណាក់រុស្សី ព្រមទាំងរាំងខ្ទប់ឥទ្ធិពលចិននៅតំបន់ឥណ្ឌូប៉ាស៊ីហ្វិកផងដែរ។
ក៏ប៉ុន្តែគេមើលឃើញថា កិច្ចព្រមព្រៀងពាណិជ្ជកម្មទ្វេភាគី ដែលមន្ត្រីអង់គ្លេសខ្លះមានបំណងប៉ះប៉ូវនូវភាពចលាចលផ្នែកសេដ្ឋកិច្ចក្រោយខ្លួនចេញពីសហភាពអឺរ៉ុបនោះ មិនទាន់បានក្លាយជាការពិតនៅឡើយទេ ក្រោមការដឹកនាំរបស់លោកចូ បៃឌិន។
ជាមួយគ្នានេះ ទាក់ទិនកិច្ចចរចារវាងអាមេររិក និងអង់គ្លេសលើបញ្ហាអៀរឡង់ខាងជើង លោក បៃឌិន មិនបានឆ្លើយតបទៅនឹងសំណួររបស់អ្នកសារព័ត៌មាននោះឡើយ ប៉ុន្ដែ លោកសង្ឃឹមថា លោកស្រី Truss នឹងមិនធ្វើឲ្យមានភាពតានជាថ្មីនៅអៀរឡង់ខាងជើងនោះឡើយ៕
