កម្ពុជា អាចនាំចេញកសិផល៣មុខទៅចិន ដោយរួចរបាំងគយមួយចំនួន និងមិនបាច់ឆ្លងប្រទេសទី៣
ព័ត៌មាន
•
សមាគមកម្ពុជា ចំនួន៣ រួមមានសមាគមស្វាយចន្ទីកម្ពុជា សមាគមត្រចៀកកាំខ្មែរ និងសមាគមសម្ព័ន្ធដំឡូងមីកម្ពុជា-ចិន បានចុះអនុស្សារណៈនៃការយោគយល់គ្នា…
ជើងហោះហើរ VZ961 របស់ក្រុមហ៊ុនអាកាសចរណ៍ Thai Vietjet ដែលរងការគំរាមកំហែងបំផ្ទុះគ្រាប់បែបនេះដឹកមនុស្សចំនួន១២១នាក់រួមទាំងទារកម្នាក់ និងអាកាសយានិក៦នាក់ផងដែរ។
លោក គីតទីពុង គីតទីកាឆន (Kittipong Kittikachorn) នាយកគ្រប់គ្រងទូទៅនៃអាកាសយានដ្ឋានអន្តរជាតិសុវណ្ណភូមិ បានរាយការណ៍ថា មជ្ឈមណ្ឌលសន្តិសុខនៃអាកាសយានដ្ឋាននេះទទួលបានការជូនដំណឹងអំពីហេតុការណ៍គំរាមបំផ្ទុះគ្រាប់បែកលើយន្តហោះនេះនៅវេលាម៉ោង២:១៨នាទីរសៀល ថ្ងៃទី២៦ ខែកញ្ញា។
ក្រោយទទួលបានដំណឹងភ្លាម ក្រុមមន្ត្រីសន្តិសុខបានធ្វើការស្រាវជ្រាវ និងឆែកឆេរយ៉ាងល្អិតល្អន់លើគ្រប់អ្នកដំណើរ និងឥវ៉ាន់ដៃរបស់ពួកគេ ខណៈដែលក្រុមភ្នាក់ងារកម្ចាត់អាវុធជាតិផ្ទុះ (EOD) បានត្រួតពិនិត្យគ្រប់ឥវ៉ាន់ទាំងអស់ ព្រមទាំងយន្តហោះផងដែរ។ ទោះជាយ៉ាងណា សមត្ថកិច្ចរកមិនឃើញវត្ថុគួរឱ្យសង្ស័យ ឬ ជាតិផ្ទុះនោះទេ ហើយប្រតិបត្តិការឆ្លើយតបគ្រាអាសន្ននេះក៏ត្រូវបានបិទបញ្ចប់នៅម៉ោង៤:៣០រសៀលថ្ងៃដដែល។
យោងតាមច្បាប់របស់ប្រទេសថៃ ស្តីពីបទល្មើសប្រព្រឹត្តប្រឆាំងការហោះហើរតាមផ្លូវអាកាស ជនណាមានចេតនាផ្ដល់ព័ត៌មានមិនពិតដែលបង្កការភ័យស្លន់ស្លោលើយន្តហោះដែលកំពុងហោះហើរ ត្រូវទទួលការផ្តន្ទាទោសដាក់ពន្ធនាគាររហូតដល់៥ឆ្នាំ ឬ ពិន័យជាប្រាក់ចំនួន៦.១៥០ ដុល្លារអាម៉េរិក។
ទាក់ទិននឹងឧប្បត្តិហេតុនេះ ក្រុមហ៊ុនអាកាសចរណ៍វៀតណាម Vietjet Air បានចេញសេចក្តីថ្លែងការណ៍មួយថា ប្រតិបត្តិការហោះហើររបស់ខ្លួនតែងតែគោរពតាមបទប្បញ្ញត្តិសុវត្ថិភាពយ៉ាងតឹងរ៉ឹងស្របតាមស្តង់ដារអន្តរជាតិ។ បច្ចុប្បន្ន រាល់សកម្មភាពរំខានដែលបណ្តាលឱ្យមានការភាន់ច្រឡំក្នុងចំណោមអ្នកដំណើរ និងប៉ះពាល់ដល់ប្រតិបត្តិការរបស់ក្រុមហ៊ុនអាកាសចរណ៍ នឹងត្រូវប្រឈមការផ្ដន្ទាទោសតាមច្បាប់៕
ដោយ: តែម សុខុម
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
