មនុស្សជាង១០០នាក់ បន្តបាត់ខ្លួន ដែលអាចធ្វើឱ្យចំនួនអ្នកស្លាប់ដោយការរញ្ជួយដីនៅមីយ៉ាន់ម៉ា កើនឡើងថែមទៀត
មកទល់ពេលនេះ មានប្រទេសជាច្រើនបានផ្តល់ជំនួយសប្បុរសធម៌ និងក្រុមអ្នកជំនាញដល់ប្រទេសមីយ៉ាន់ម៉ា ដែលបានរងគ្រោះដោយសារការរញ្ជួយដីកម្រិត៧,៧រ៉ិចទ័…
ក្រុមហ៊ុនវេចខ្ចប់សាច់ប្រេស៊ីល JBS បានប្រកាសបោះទុនវិនិយោគចំនួន១០០លានដុល្លារ ដើម្បីបង្កើតរោងចក្រវេចខ្ចប់សាច់គោ និងសាច់ផ្សេងៗចំនួនពីរនៅវៀតណាម ក្នុងបំណងពង្រីកវត្តមាននៅក្នុងតំបន់អាស៊ីអាគ្នេយ៍។ បើតាមការអះអាងរបស់ក្រុមហ៊ុននេះ រោងចក្រទាំងពីរនេះនឹងផលិតសាច់គោ សាច់ជ្រូក និងសាច់បសុសត្វផ្សេងទៀត ហើយនឹងប្រើវត្ថុធាតុដើមជាចម្បងដែលនាំចូលពីប្រទេសប្រេស៊ីល ក្នុងគោលដៅផ្គត់ផ្គង់ដល់វៀតណាម និងប្រទេសក្នុងតំបន់ផ្សេងទៀត។
ក្រុមហ៊ុន JBS បាននិយាយថា ក្រុមហ៊ុននេះ បានសម្រេចកិច្ចព្រមព្រៀងពីការបង្កើតរោងចក្រនេះជាផ្លូវការកាលពីថ្ងៃសៅរ៍ តាមរយៈអនុស្សរណៈនៃការយោគយល់គ្នាជាមួយនឹងរដ្ឋាភិបាលវៀតណាម ចំពេលដំណើរទស្សនកិច្ចផ្លូវរដ្ឋរបស់ប្រធានាធិបតីប្រេស៊ីល លោក ល្វីស អ៊ីណាស៊ីយ៉ូ លូឡា ដា ស៊ីលវ៉ា (Luiz Inacio Lula da Silva) នៅប្រទេសវៀតណាម។
លោក រីណាតូ ខូស្តា (Renato Costa) នាយកប្រតិបត្តិក្រុមហ៊ុនហ្វ្រាយបយ (Friboi) ជាផ្នែកមួយនៃក្រុមហ៊ុន JBS បាននិយាយថា រោងចក្រថ្មីនៅវៀតណាមនេះនឹងមិនត្រឹមតែជាការពង្រីកសមត្ថភាពផលិតកម្មប៉ុណ្ណោះទេ ប៉ុន្តែមានបំណងបង្កើតតម្លៃសម្រាប់សេដ្ឋកិច្ចក្នុងស្រុក បង្កើតការងារដែលមានជំនាញ និងរួមចំណែកដល់សន្តិសុខស្បៀងនៅទូទាំងអាស៊ីអាគ្នេយ៍ទៀតផង។
តាមផែនការដែលបានប្រកាសដោយក្រុមហ៊ុន JBS រោងចក្រទីមួយនឹងត្រូវសាងសង់នៅក្នុងឧទ្យានឧស្សាហកម្ម ដែលមានសមត្ថភាពគ្របដណ្តប់លើការកែច្នៃជាមុន កាត់សាច់ និងវេចខ្ចប់ ហើយរោងចក្រទីពីរនឹងត្រូវសាងសង់នៅភាគខាងត្បូងប្រទេសវៀតណាម នៅពីរឆ្នាំបន្ទាប់ពីរោងចក្រទី១ ចាប់ផ្តើមប្រតិបត្តិការ ប៉ុន្តែមិនបានបញ្ជាក់ពីពេលវេលាច្បាស់លាស់នោះទេ៕
អត្ថបទ៖ សុខ មង្គល
