តម្លៃប្រេងសាំងធម្មតានៅកម្ពុជាឡើងថ្លៃ ១០០រៀលថែមទៀត

ការឡើងថ្លៃនៃតម្លៃប្រេងសាំងនេះ គឺធ្វើឡើងស្របទៅតាមនិន្នាការទីផ្សារប្រេងពិភពលោកដែលកំពុងហក់ឡើងខ្ពស់ដោយសារតែវិបត្តិសង្គ្រាមរវាងរុស្ស៊ី និងអ៊ុយក្រែន ដែលមានការអូសបន្លាយអស់រយៈពេលជាង២ខែមកហើយ ដែលកំពុងបង្កជាហានិភ័យដល់ការផ្គត់ផ្គង់ប្រេងនៅទូទាំងពិភពលោកផងដែរ។ ជាក់ស្ដែង បើទោះបីជា ប្រេងឆៅនៅលើទីផ្សារពិភពលោក នៅថ្ងៃចន្ទដើមសប្ដាហ៍នេះ ថយចុះក្នុងរង្វង់១ដុល្លារ ធៀបនឹងកាលពីពេលមុនក្ដី ប៉ុន្ដែ តម្លៃប្រេងនៅតែមានខ្ពស់ដដែល ដោយប្រេងនៅអង់គ្លេសមួយធុងបារ៉ែលនៅតែមានតម្លៃជាង១០៦ដុល្លារ ខណៈដែលនៅអាមេរិកវិញ មួយធុងបារ៉ែលមានតម្លៃជិត១០៤ដុល្លារ៕