ចាប់តាំងពីថ្ងៃធ្វើរដ្ឋប្រហារកាលពីខែកុម្ភៈ រហូតមកទល់ពេលនេះពេលរយៈពេល៦ខែមកហើយ បន្ទាប់ពីយោធភូមាបានដណ្តើមអំណាចពីរដ្ឋាភិបាលស៊ី ពីជាគណបក្សរបស់លោកស្រីអ៊ុងសានស៊ូជីវិល ដែលឈ្នះឆ្នោតភ្លូកទឹកភ្លូកដី ក្រោមបទចោទមានភាពមិនប្រក្រតី ដោយសារការក្លែងបន្លំក្នុងការបោះឆ្នោត។ តាមរយៈការថ្លែងតាមកញ្ចប់ទូរទស្សន៍ជាតិភូមា លោក មីន អ៊ុងឡាំង មេដឹកនាំយោធាភូមា បានកាសដាក់ប្រទេសក្នុងគ្រាអាសន្ន១ឆ្នាំ និងប្រកាសក្ដែងៗថា លោកនឹងរៀបចំឱ្យមានការបោះឆ្នោតជាថ្មី ដោយសេរីនិងសុក្រិតយុត្ដិធម៌។
មិនតែប៉ុណ្ណោះ លោក មីន អ៊ុងឡាំង បានបន្ថែមថា លោកត្រៀមខ្លួនរួចជាស្រេចដើម្បីធ្វើការលើកិច្ចសហប្រតិបត្តិការក្នុងការសន្ទនាជាមួយប្រសិតពិសេសនៃសមាគមប្រជាជាតិអាស៊ីអាគ្នេយ៍ (អាស៊ាន) ។ លោកក៏បានសន្យាម្តងហើយម្តងទៀតថា នឹងស្តារលទ្ធិប្រជាធិបតេយ្យឡើងវិញ ទោះបីមិនបានបញ្ជាក់លម្អិតពីពេលវេលាក៏ដោយ។
អត្ថបទគួរចាប់អារម្មណ៏
សូមជម្រាបថា រដ្ឋមន្ត្រីការបរទេសអាស៊ាននឹងជួបប្រជុំនៅថ្ងៃច័ន្ទ ក្នុងបំណងពិភាក្សាបញ្ចប់ទាក់ទងទៅនឹងប្រសិតពិសេសដែលមានភារកិច្ចក្នុងបញ្ចប់អំពើហិង្សា និងផ្សះផ្សាលើកកម្ពស់ឱ្យមានការសន្ទនារវាងយោធា មីន អ៊ុនឡាំង និងគណបក្សលោកស្រី អ៊ុងសានស៊ូជី។ យ៉ាងណាមិញ លោក មីន អ៊ុនឡាំង បាននិយាយនៅក្នុងសុន្ទរកថា “ បច្ចុប្បន្នប្រទេសទាំងមូលមានស្ថិរភាព លើកលែងតែការវាយប្រហារភេរវកម្មមួយចំនួន” ។
សូមរម្លឹកថា តាមការអះអាងរបស់ក្រុមសកម្មជនសកម្មជនសមាគមជួយអ្នកទោសនយោបាយបានឲ្យដឹងថា ចាប់តាំងពីរដ្ឋប្រហារមកបាតុករ មានមនុស្សប្រមាណជាង ៩០០នាក់ ត្រូវបានកងកម្លាំងប្រដាប់យោធាសម្លាប់ ក្នុងការបង្ក្រាបបាតុកម្ម និងយ៉ាងហោចណាស់មានមនុស្សចំនួនជិត៧ពាន់ នាក់ត្រូវបានចាប់ខ្លួនផងដែរ។ ខណៈ យោធាបាននិយាយថា ចំនួនបាតុករដែលត្រូវបានសម្លាប់ គឺមានទាបជាងនេះឆ្ងាយណាស់ហើយ សមាជិកកងកម្លាំងប្រដាប់អាវុធក៏បានស្លាប់ដោយសារអំពើហិង្សាផងដែរ៕
អត្ថបទ៖ ស៊ើង និមល់
None
