កំណើនសេដ្ឋកិច្ចតំបន់អាស៊ីរងសម្ពាធបន្ថែម ចំពេលផលិតកម្ម និងការបញ្ជាទិញពីរោងចក្រនៅជាច្រើនធ្លាក់ចុះក្នុងខែកញ្ញា
ការស្ទង់ទិន្នន័យមួយបានបង្ហាញកាលពីថ្ងៃចន្ទថា ទិន្នផលក្នុងផលិតកម្មរោងចក្រនៅតំបន់អាស៊ីភាគច្រើនបានធ្លាក់ចុះកាលពីខែកញ្ញា ដោយសារតែការធ្លាក់ចុះន…
ក្រុម Burn X Flash បានយកឈ្នះក្រុម Logic Esports ដើម្បីដណ្តើមជើងឯកក្នុងការប្រកួតផ្ដាច់ព្រ័ត្រកាលពីល្ងាចថ្ងៃអាទិត្យ ដោយមានអ្នកចូលរួមទស្សនាដោយផ្ទាល់ប្រមាណ៣ពាន់នាក់ នៅឯផ្សារទំនើបអ៊ីអនម៉ល សែនសុខស៊ីធី ។ ក្នុងនោះ បើយោងតាម Esports Charts ចំនួនអ្នកមើលតាមរយៈអ៊ីនធឺណិតបានហក់ឡើងដល់ជាង ១១ម៉ឺននាក់ពេលកំពុងផ្សាយផ្ទាល់ ។ ចំណែកឯចំនួនទស្សនាសរុបក្នុងរយៈពេល ២៤ ម៉ោងគឺមានចំនួន ១,៥ លានដង ។
នៅពេលនេះ ក្រុម Burn X Flash នឹងធ្វើជាតំណាងឲ្យប្រទេសកម្ពុជា ដើម្បីចូលរួមប្រកួតក្នុងព្រឹត្តិការណ៍កីឡាអេឡិចត្រូនិច M4 World Championship នៅខែមករា ឆ្នាំ ២០២៣ នៅឯទីក្រុង ហ្សាកាតា ប្រទេសឥណ្ឌូនេស៊ី ។
ក្នុងការឈ្នះជើងឯក ក្នុងកម្មវិធី MPL Cambodia Autumn Split 2022 ក្រុម Burn X Flash បានទទួលប្រាក់រង្វាន់ចំនួន ១,៦០០០ដុល្លារ។
ជាមួយគ្នានេះ ក្រុមហ៊ុនមិត្តហ្វូន បានឲ្យដឹងថា ក្រុមហ៊ុនបានសង្កេតឃើញពីការរីកចម្រើនយ៉ាងខ្លាំងនៃគុណភាពកីឡាអេឡិចត្រូនិកនៅកម្ពុជា ហើយក៏មានឃើញពីការរួមចំណែករបស់ខ្លួន ដែលបានចូលរួមឧបត្ថម្ភកម្មវិធីនេះផងដែរ។
លោក កាវ ម៉ាញ ឌឹក (Cao Manh Duc) អគ្គនាយកក្រុមហ៊ុន វៀតធេល ខេមបូឌា (មិត្តហ្វូន) មានប្រសាសន៍ថា៖ «ព្រឹត្តិការណ៍នេះទទួលបានជោគជ័យយ៉ាងខ្លាំង ។ យើងសង្កេតឃើញថាការអភិវឌ្ឍន៍កីឡាអេឡិចត្រូនិកនៅកម្ពុជាកាន់តែមានលក្ខណៈវិជ្ជាជីវៈខ្លាំងឡើង ។ យើងនឹងជួយអមដំណើរដល់វិស័យកីឡាអេឡិចត្រូនិចនៅកម្ពុជានេះឲ្យមានការអភិវឌ្ឍបន្ថែមទៀតដើម្បីអភិវឌ្ឍឲ្យឈានទៅរកដល់កម្រិតតំបន់ និងពិភពលោក»។
លោក កាវ ម៉ាញ ឌឹក (Cao Manh Duc) បានបន្ថែមថា «ក្នុងនាមជាក្រុមហ៊ុនដែលគាំទ្រវិស័យកីឡាក្នុងប្រទេសកម្ពុជាតាំងពីដើមដំបូងរៀងមកនោះ យើងពិតជាសប្បាយចិត្តដែលក្រុមហ៊ុន មិត្តហ្វូន តែងតែចួលរួមជាផ្នែកមួយ ដែលនាំមកនូវភាពជោគជ័យក្នុងកម្មវិធីកីឡាក្នុងប្រទេសកម្ពុជា”។
ក្រៅពីកម្មវិធីកីឡាអេឡិចត្រូនិក ក្រុមហ៊ុនមិត្តហ្វូន ក៏កំពុងជួយឧបត្ថម្ភដល់លីកបាល់ទាត់កំពូលរបស់កម្ពុជាផងដែរ សម្រាប់រយៈពេលបីឆ្នាំបន្ថែមទៀត ពីឆ្នាំ ២០២២ ដល់ ២០២៤ ។
មិត្តហ្វូននិយាយថា ការឧបត្ថម្ភគាំទ្រដល់វិស័យកីឡា និងកីឡាអេឡិចត្រូនិកនេះ គឺជាផ្នែកមួយនៃការប្ដេជ្ញាចិត្តរបស់ខ្លួនក្នុងការអភិវឌ្ឍន៍វិស័យកីឡានៅកម្ពុជា៕
