ធនាគារអេស៊ីលីដាបានសម្រេចបែងចែកភាគលាភដល់ភាគហ៊ុននិកជាង៤២ម៉ឺនដុល្លារ
ធនាគារអេស៊ីលីដា កាលពីថ្ងៃទី១០មិថុនា បានសម្រេចបែងចែកភាគលាភសម្រាប់ប្រាក់ចំណេញឆ្នាំ២០២០សម្រាប់ភាគហ៊ុននិករបស់ខ្លួនហើយ ប៉ុន្ដែ ការបែងចែកន…
ក្រៅពីផលិតផលគ្រាប់ស្វាយចន្ទីដែលបានកែច្នៃរួចត្រូវបានអនុញ្ញាតឲ្យនាំចូលទៅជប៉ុនរួចមក ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និង នេសាទ អះអាងថា ក្រសួងកសិកម្មកំពុងជំរុញ និង រំពឹងថាអាចនាំចេញសាច់ត្រីទីឡាព្យ៉ាទៅកាន់ទីផ្សារប្រទេសជប៉ុនក្នុងពេលឆាប់ៗខាងមុខនេះ បន្ទាប់ពីមានកសិដ្ឋានចិញ្ចឹមត្រីក្នុងស្រុកដ៏ធំមួយឈ្មោះ Cambodia Fresh Farm គ្រោងនឹងសាងសង់រោងចក្រកែច្នៃ និង វេចខ្ចប់សាច់ត្រីទីឡាព្យ៉ាក្នុងពេលឆាប់ៗខាងមុខនេះ។ បច្ចុប្បន្នសាច់ត្រីទីឡាព្យ៉ារបស់កសិដ្ឋាននេះ កំពុងចរាចរដាក់លក់នៅតាមផ្សារទំនើបជាច្រើនទៀតនៅរាជធានីភ្នំពេញ។
ដោយឡែក ប្រទេសកម្ពុជាទើបតែបាននាំចេញផលិតផលគ្រាប់ស្វាយចន្ទីកែច្នៃរួចទៅកាន់ទីផ្សារជប៉ុន លើកដំបូងកាលពីថ្ងៃទី១០ មិថុនា ឆ្នាំ២០២១ ចំនួន៧តោន។ការដឹជញ្ជូននេះត្រូវចំណាយពេលជាង១ខែលើការដឹកជញ្ជូនតាមផ្លូវទឹក ហើយរំពឹងថានៅសប្ដាហ៍នេះក្រោយការដឹកជញ្ជូនគ្រាប់ស្វាយចន្ទីកែច្នែរួចទៅដល់ប្រទេសជប៉ុន នឹងកើនដល់ ៩តោន។
រដ្ឋមន្ត្រីក្រសួងកសិកម្មបានបញ្ជាក់បន្ថែមថា មូលហេតុដែលធ្វើឲ្យកម្ពុជាអាចកែច្នៃគ្រាប់ស្វាយចន្ទី នាំចេញទៅប្រទេសជប៉ុនបាន គឺដោយសារតែសិប្បកម្មកែច្នៃគ្រាប់ស្វាយចន្ទីនៅកម្ពុជា បានកែប្រែចង្វាក់ផលិតកម្មស្របស្តង់ដារគុណភាពប្រទេសជប៉ុន ក្រោយទទួលបានការបណ្តុះបណ្តាលបច្ចេកទេស និង ថវិកាគាំទ្រពីអង្គការ JICA ។
សូមបញ្ជាក់ថា គិតត្រឹម៤ខែដំបូងនៅឆ្នាំ២០២១ ទំហំពាណិជ្ជកម្មរវាងកម្ពុជានឹងជប៉ុនសម្រេចបានប្រមាណជាង ៥៧០លានដុល្លារ មានការធ្លាក់ចុះជាង៩% ក្នុងនោះ ការនាំចេញរបស់កម្ពុជាទៅជប៉ុនមានជាង៣៦០លានដុល្លារ ធ្លាក់ចុះប្រមាណ ៥% និង ការនាំចូលពីជប៉ុនមកវិញមានជាង២០០លានដុល្លារ ធ្លាក់ចុះជាង១៦%។ នេះបើតាមតួលេខដែលផ្ដល់ដោយក្រសួងពាណិជ្ជកម្មកម្ពុជា៕
None
