ធនាគារ អេស៊ីលីដា នៅតែសម្រេចបានលទ្ធផលល្អប្រសើរ ទោះបីប្រាក់ចំណេញធ្លាក់ចុះបន្តិចក្តីនៅឆ្នាំ២០២៣
ថ្នាក់ដឹកនាំធនាគារ អេស៊ីលីដា អះអាងថា ពិនិត្យមើលសមិទ្ធផលជារួមរបស់ធនាគារ អេស៊ីលីដា ភីអិលស៊ី នៅឆ្នាំ២០២៣ គឺសម្រេចបានលទ្ធផលល្អប្រសើរ បើទ…
ឯកឧត្តម សូ ម៉ារ៉ា រដ្ឋលេខាធិការ ក្រសួងទេសចរណ៍ បានមានប្រសាសន៍ថា គណៈប្រតិភូក្រសួងទេសចរណ៍ រួមជាមួយនឹងក្រុមហ៊ុនទេសចរណ៍កម្ពុជាចំនួន ២២ក្រុមហ៊ុន ធ្វើដំណើទៅប្រទេសអាល្លឺម៉ង់ នាថ្ងៃទី២ ខែមីនា ដើម្បីចូលរួមពិព័រណ៍ទេសចរណ៍អន្តរជាតិ ITB នៅក្រុងប៊ែរឡាំង។ បើតាមមន្រ្តីជាន់ខ្ពស់រូបនេះ ការចូលរួមរបស់ក្រុមហ៊ុនទេសចរណ៍កម្ពុជា នាឆ្នាំនេះ មានការកើនឡើងជាងបណ្ដាឆ្នាំកន្លងទៅ ដែលនេះបង្ហាញឱ្យឃើញថា ការចូលរួមរបស់វិស័យឯកជនមានភាពផុសផុលខ្លាំង។ ទន្ទឹមគ្នានេះ ឯកឧត្តម សូ ម៉ារ៉ា បានអះអាងថា ការចូលរួមរបស់ប្រតិភូទេសចរណ៍ទៅប្រទេសអាល្លឺម៉ង់លើកនេះ មិនមែនជាការដាក់តាំងពិព័រណ៍ទេសចរណ៍នោះទេ ប៉ុន្តែទៅដើម្បីចុះហត្ថលេខាលក់កញ្ចប់ទេសចរណ៍តែម្ដង។
គូសបញ្ជាក់ថា កម្ពុជាទើបទទួលបានពានរង្វាន់ជាប្រទេសដែលមានគោលដៅទេសចរណ៍វប្បធម៌ឈានមុខគេបំផុតនៅតំបន់អាស៊ីក្នុងឆ្នាំ២០២៣ ពីស្ថាប័ន World Travel Award។ នេះក៏ជាឆ្នាំទី២ដែរ ដែលកម្ពុជាទទួលបានពានរង្វាន់នេះ ដោយមាន៦ប្រទេសផ្សេងទៀត ឈរនៅពីក្រោយកម្ពុជា រួមមាន ឥណ្ឌា ជប៉ុន នេប៉ាល់ ស្រីលង្កា ថៃ និងវៀតណាម។ នៅពេញមួយឆ្នាំ២០២៣ កន្លងទៅនេះ កម្ពុជាទទួលបានភ្ញៀវទេសចរអន្តរជាតិ ប្រមាណជាង៥លាន ៥សែននាក់ កើនឡើងជិត១៥០% បើធៀបនឹងឆ្នាំ២០២២ និងថយចុះប្រមាណជិត២០% បើធៀបនឹងមុនមានវិវបត្តិកូវីដ-១៩។ ទន្ទឹមនេះ កម្ពុជាទទួលបានចំណូលពីភ្ញៀវទេសចរអន្តរជាតិ បានជាង៣ពាន់លានដុល្លារ កើនឡើងជិត១១៨% បើធៀបនឹងឆ្នាំ២០២២។នេះបើតាមទិន្នន័យពីក្រសួងទេសចរណ៍៕
អត្ថបទ៖ បូ ដូឡា
None
