ថ្លែងប្រាប់អ្នកសារព័ត៌មាននៅឯពិធីបិទការប្រកួតប្រជែងជំនាញរបស់ក្រុមហ៊ុន អេសស៊ីជី លើកទី២ ឆ្នាំ២០១៩ លោក ហ៊ីង ស៊ីដេត អគ្គនាយកនៃអគ្គនាយកដ្ឋានអប់រំបណ្ដុះបណ្ដាលបច្ចេកទេសនិងវិជ្ជាជីវៈបានឲ្យដឹងថា ដើម្បីពន្លឿនការអភិវឌ្ឍប្រទេសទាក់ទងនឹងវិស័យសំណង់នេះ វាពិតជាត្រូវការខ្លាំងបំផុតគឺអ្នកជំនាញ។
បើតាមលោក ហ៊ីង ស៊ីដេត សព្វថ្ងៃយើងមានជំនាញចំនួន ៥ ដែលទីផ្សារការងារកំពុងត្រូវការ រួមមាន ផ្នែកសំណង់, ផ្នែករថយន្ត, ផ្នែកអេឡិចត្រូនិក ផ្នែកអគ្គិសនី, និងផ្នែកកម្មន្តសាល។ លោកបន្ថែមផងដែរ ថា នៅទូទាំងប្រទេស បច្ចុប្បន្ន ក្រសួងការងារមានគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈ ចំនួន ៣៨គ្រឹះស្ថាន ក្នុងនោះ ២០គ្រឹះស្ថាន ទទួលបាន ISO ធានាផ្នែកការគ្រប់គ្រង។
អត្ថបទទាក់ទង!
ពាក់ព័ន្ធនឹងជំនាញនេះដែរ ម្ចាស់ជ័យលាភីលេខ១ ពីការប្រកួតជំនាញបូក ប្រក់ដំបូល និងស្មាបត របស់ក្រុមហ៊ុនអេសស៊ីជី និងក្រសួងការងារបណ្តុះបណ្តាលវិជ្ជាជីវៈ លោក ខាត់ ធុច មកពីខេត្តសៀមរាប ជំនាញប្រក់ដំបូល រួមជាមួយលោក ឈា ភារុណ ជំនាញបូកមកពីខេត្តព្រៃវែងបានអះអាងប្រហាក់ប្រហែលគ្នាថា ការទទួលបានជំនាញពិតប្រាកដវាមានសំខាន់បំផុតសម្រាប់ពួកគាត់ ដែលមិនត្រឹមតែជួយពន្លឿនការងារនៅក្នុងវិស័យសំណង់របស់ពួកគាត់ប៉ុណ្ណោះទេ តែក៏បានជួយឲ្យពួកគាត់រកប្រាក់ចំណូលបានច្រើនផងដែរ។
លោក ហ៊ីង ស៊ីដេត អគ្គនាយកនៃអគ្គនាយកដ្ឋានអប់រំបណ្ដុះបណ្ដាលបច្ចេកទេសនិងវិជ្ជាជីវៈ
យោងតាមតួលេខពីក្រសួងរៀបចំដែនដី នគរូបនីយកម្ម និងសំណង់ ជាមធ្យមកម្លាំងពលកម្មដែលបំពេញការងារនៅក្នុងវិស័យសំណង់មានចន្លោះពី១៨ម៉ឺននាក់ ទៅ២០ម៉ឺននាក់ក្នុងមួយថ្ងៃ ក្នុងនោះ ក៏មានអ្នកបច្ចេកទេស វិស្វករក្នុងរង្វង់ជាង ៣ម៉ឺននាក់ និងស្ថាបត្យករជាង ២,៥ នាក់ផងដែរ៕
ពិធីបិទការប្រកួតប្រជែងជំនាញរបស់ក្រុមហ៊ុន អេសស៊ីជី លើកទី២ ឆ្នាំ២០១៩
ពិធីបិទការប្រកួតប្រជែងជំនាញរបស់ក្រុមហ៊ុន អេសស៊ីជី លើកទី២ ឆ្នាំ២០១៩
None
