តើវិស័យចិញ្ចឹមសត្វនៅកម្ពុជា នឹងមានការប្រែប្រួលយ៉ាងណានៅឆ្នាំ២០២៥ នេះ?
វិស័យចិញ្ចឹមសត្វនៅកម្ពុជា មានការរីកចម្រើនគួរឱ្យកត់សម្គាល់នៅប៉ុន្មានឆ្នាំចុងក្រោយនេះ ហើយវិស័យនេះ ក៏បានចូលរួមចំណែកយ៉ាងសំខាន់ក្នុងការជួយល…
កម្ពុជា រកចំណូលបានជិត២៨លានដុល្លារអាម៉េរិក ពីការនាំចេញផ្លែមៀនស្រស់ទៅកាន់ទីផ្សារអន្តរជាតិ នៅក្នុងរយៈពេល១១ខែ ឆ្នាំ២០២៤ មានការកើនឡើងជាង៥០% បើធៀបនឹងតម្លៃនាំចេញក្នុងរយៈពេលដូចគ្នាកាលពីឆ្នាំមុន ដែលមានប្រមាណជាង១៨លានដុល្លារប៉ុណ្ណោះ។ នេះបើយោងតាមរបាយការណ៍របស់ក្រសួងពាណិជ្ជកម្ម។ តាមរយៈលទ្ធផលនេះបានបញ្ជាក់ឱ្យឃើញថា ផ្លែមៀនស្រស់បានក្លាយជាផលិតផលកសិកម្មរបស់កម្ពុជាមួយទៀត ដែលទទួលបានការគាំទ្រខ្លាំងពីទីផ្សារអន្តរជាតិ។
លោក សាយ សុផាត ប្រធានមន្ទីរកសិកម្ម រុក្ខប្រមាញ់ និងនេសាទខេត្តបៃលិន បានអះអាងថា ទោះបីនៅក្នុងឆ្នាំ២០២៤ ការដាំដុះដំណាំមៀនប៉ៃលិន ទទួលរងនូវការគំរាមកំហែងពីបាតុភូតអែលនីណូយ៉ាងណាក្តី ប៉ុន្តែការផលិត និងបច្ចេកទេសជំរុញដើមមៀនឱ្យចេញផ្ការបស់កសិករហាក់ទទួលបានលទ្ធផលល្អ ដែលជំរុញឱ្យមៀនប៉ៃលិន នៅឆ្នាំ២០២៤ ទទួលបានទិន្នផលខ្ពស់ជាងឆ្នាំ២០២៣។ មន្ត្រីជាន់ខ្ពស់រូបនេះបានវាយតម្លៃថា តាមរយៈទិន្នផលកើនឡើងនេះ វាក៏បានជំរុញឱ្យការនាំចេញផ្លែមៀនប៉ៃលិនកម្ពុជា ទៅកាន់ទីផ្សារប្រទេសចិន ក្នុងឆ្នាំ២០២៤ និងឆ្នាំ២០២៥ នឹងកាន់តែមានការកើនឡើងផងដែរ ដ្បិតថា ការចុះកិច្ចសន្យាទិញ-លក់ ពីក្រុមហ៊ុនចិន នៅឆ្នាំនេះមានការកើនឡើងជាងឆ្នាំមុន។
បើតាមការបញ្ជាក់របស់លោក សួស ស៊ីយ៉ាត ប្រធានសហគមន៍មៀនប៉ៃលិន នាពេលកន្លងមកបានឱ្យដឹងថា នៅក្នុងឆ្នាំ២០២៤ ក្រុមហ៊ុនចិន បានចុះកិច្ចសន្យាប្រមូលទិញមៀនប៉ៃលិន ពីកសិករជាពីរដំណាក់កាល ក្នុងនោះដំណាក់កាលទី១ ចាប់ពីខែសីហា ដល់វិច្ឆិកា ក្រុមហ៊ុនចិន ចុះកិច្ចសន្យាប្រមូលទិញមៀនប៉ៃលិន ពីកសិករជាមួយតម្លៃ៣០០០រៀលក្នុង១គីឡូគ្រាម ខណៈដំណាក់កាលទី២ពីខែធ្នូ ឆ្នាំ២០២៤ ដល់ខែឧសភា ឆ្នាំ២០២៥ ក្រុមហ៊ុនផ្តល់តម្លៃ៣៥០០រៀលក្នុង១គីឡូក្រាម។ តម្លៃនេះ គឺទាបជាងតម្លៃកាលពីឆ្នាំ២០២៣ ដែលមានតម្លៃចាប់ពី៣៦០០រៀលក្នុង១គីឡូក្រាម រហូតដល់៤៥០០រៀលក្នុង១គីឡូក្រាម៕
