វិស័យពាណិជ្ជកម្ម

ចិន និងអឺរ៉ុប កំពុងរៀបជើងព្រួល ដើម្បីត្រៀមវាយបកនឹងវិធានការដំឡើងពន្ធគយរបស់លោក ត្រាំ


ដើម្បីត្រៀមឆ្លើយតបនឹងវិធានការដំឡើងពន្ធគយទ្វេភាគីរបស់លោក ដូណាល់ ត្រាំ ប្រធានាធិបតីសហរដ្ឋអាម៉េរិក ដែលនឹងប្រកាសនៅថ្ងៃទី៣ ខែមេសា នេះ មេដឹកនាំក្រុមប្រទេសមានសេដ្ឋកិច្ចរីកចម្រើនធំៗដូចជាសហភាពអឺរ៉ុប និងមហាយក្សចិន ជាដើម សុទ្ធតែបានត្រៀមផែនការ ដើម្បីឆ្លើយតបយ៉ាងខ្លាំងក្លាចំពោះវិធានការពន្ធលោកត្រាំនេះ។ ស្ថាប័នជំនាញសេដ្ឋកិច្ចបានព្រមានថា ប្រសិនបើការដំឡើងពន្ធគយដាក់គ្នាទៅវិញទៅមកត្រូវបានអនុវត្តទូទាំងប្រទេស នោះវានឹងធ្វើឱ្យសេដ្ឋកិច្ចពិភពលោករងការខាតបង់ធ្ងន់ធ្ងរ។ នេះបើតាមសេចក្តីរាយការណ៍របស់សារព័ត៌មានធំៗ។
វិស័យពាណិជ្ជកម្ម
ដោយ

លោកស្រី យូស៊ូឡា វ័នឌ័រឡេយេន (Ursula von der Leyen) ប្រធានគណៈកម្មការអឺរ៉ុប បានអះអាងក្តែងៗថា សហភាពអឺរ៉ុប ប្តេជ្ញាប្រើគ្រប់សន្លឹកបៀ ដើម្បីឆ្លើយតបប្រឆាំងនឹងគោលនយោបាយពន្ធគយថ្មី ដែលដាក់ដោយរដ្ឋបាលប្រធានាធិបតីសហរដ្ឋអាម៉េរិក ដូណាល់ ត្រាំ ដែលនឹងប្រកាសនៅថ្ងៃទី៣ ខែមេសា នេះ។ លោកស្រីបានសង្កត់ធ្ងន់ថា នៅពេលនេះសហភាពអឺរ៉ុប កំពុងស្នើឱ្យមានដំណោះស្រាយតាមការចរចា ហើយទីក្រុងព្រុចសែល ក៏មានផែនការដ៏រឹងមាំមួយចំនួន ដើម្បីសងសឹកប្រឆាំងនឹងពន្ធគយរបស់លោក ត្រាំ ផងដែរ។

បន្ទាប់ពីឡើងកាន់តំណែងជាផ្លូវការនៅថ្ងៃទី២០ ខែមករា គោលនយោបាយពន្ធគយរបស់លោក ត្រាំ ត្រូវបានដាក់ចេញជាបន្តបន្ទាប់ដោយមិនប្រកាន់ប្រទេសនោះជាសម្ពន្ធមិត្ត ឬ ជាដៃគូប្រកួតប្រជែងនោះឡើយ ខណៈមកដល់ពេលនេះ អឺរ៉ុប កាណាដា ម៉ិកស៊ិក ជាដើម សុទ្ធតែរងគំនាបពន្ធពីសហរដ្ឋអាម៉េរិក​។

សូមរម្លឹកថា កាលពីឆ្នាំ២០២៣ សហភាពអឺរ៉ុប បានកត់ត្រាអតិរេកពាណិជ្ជកម្មជាមួយសហរដ្ឋអាម៉េរិក ប្រមាណ១៥៧ពាន់លានអឺរ៉ូ ឬប្រមាណជិត១៧០ពាន់លានដុល្លារ និងឱនភាពសេវាកម្មមានតម្លៃជិត១០៩ពាន់លានអឺរ៉ូ ឬប្រមាណ១១៧ពាន់លានដុល្លារអាម៉េរិក។

ក្រៅពីសហភាពអឺរ៉ុប ចិន ដែលបានរងសម្ពាធពន្ធនៅជុំទី១ និងជុំទី២ ហើយអាចនឹងរងសម្ពាធពន្ធបន្ថែមនៅខែមេសា នេះ ក៏បានអះអាងពីការត្រៀមខ្លួនក្នុងការធ្វើសង្រ្គាមពន្ធប្រឆាំងជាមួយសហរដ្ឋអាម៉េរិក ផងដែរ។ បើយោងតាមការចុះផ្សាយរបស់សារព័ត៌មាន នីកេអាស៊ី ចិន បានត្រៀមផែនការរួចហើយ​ដើម្បីឆ្លើយតបនឹងវិធានការពន្ធគយរបស់លោក ដូណាល់ ត្រា បើទោះបីជាទីក្រុងប៉េកាំង ព្យាយាមកាត់បន្ថយផលប៉ះពាល់ក្នុងការធ្វើឱ្យប្រេះស្រាំកាន់តែស៊ីជម្រៅជាមួយនឹងមហាអំណាចផុតលេខមួយនេះក៏ដោយ។

ក្រុមអ្នកវិភាគបានអះអាងថា ប្រទេសចិន មានឧបករណ៍ និងយន្តការតបតជាច្រើន ដែលអាចដាក់ពង្រាយដើម្បីទប់ទល់នឹងបញ្ហាពន្ធគយនេះ ដូចជាការបន្ធូរបន្ថយការរឹតបន្តឹងរូបិយវត្ថុ និងការដាក់ចេញកញ្ចប់សារពើពន្ធ ដើម្បីជំរុញការប្រើប្រាស់តាមគ្រួសារ និងការសម្របសម្រួលបទប្បញ្ញត្តិ ដែលបានរារាំងការវិនិយោគឯកជនផ្សេងៗ។

លោក យូ សៀងរ៉ុង (Yu Xiangrong) អ្នកសេដ្ឋវិទូចិន នៅក្រុមហ៊ុន Citi បានព្យាករថា ចិនអាចប្រឈមមុខនឹងការដំឡើងពន្ធបន្ថែមពី១០% ទៅ២០% លើគំនាបពន្ធដែលសហរដ្ឋអាម៉េរិក បានដាក់កន្លងទៅ។ តែយ៉ាងណាអ្នកជំនាញរូបនេះអះអាងថា ចិនហាក់ស៊ាំរួចទៅហើយចំពោះវិធានការពន្ធរបស់អាម៉េរិកនេះ៕

ដោយៈ សរ សុជាតិ




អត្ថបទបន្ទាប់


សង្គ្រាមពន្ធគយដែលបញ្ឆេះឡើងដោយលោក ត្រាំ អាចធ្វើឱ្យសេដ្ឋកិច្ចពិភពលោកខាតបង់រហូតដល់១,៤ ទ្រីលានដុល្លារ ហើយអាម៉េរិកខ្លួនឯងនឹងខាតធ្ងន់កជាងគេ

អង្គការពាណិជ្ជកម្មក្រៅប្រទេសជប៉ុន (JETRO) បានប៉ាន់ប្រមាណថា បើសិនជាការដំឡើងពន្ធដាក់គ្នាទៅវិញទៅមកត្រូវបានអនុវត្តនៅទូទាំងពិភពលោក នោះវានឹង…

ថៃ បើកការស៊ើបអង្កេតលើគម្រោងសាងសង់ ដែលជាប់ពាក់ព័ន្ធនឹងក្រុមហ៊ុនម៉ៅការចិន ដែលជាអ្នកសង់អគារដួលរលំក្នុងគ្រោះរញ្ជួយដី

រដ្ឋាភិបាលថៃ កំពុងបើកការស៊ើបអង្កេតលើគម្រោងសាងសង់ទាំងអស់ ដែលពាក់ព័ន្ធនឹងក្រុមហ៊ុនម៉ៅការចិនមួយ ដែលជាអ្នកម៉ៅការសាងសង់អគារការិយាល័យសវន…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ