មន្រ្តីជាន់ខ្ពស់នៃ ក្រសួងពាណិជ្ជកម្មចិន បានគូសបញ្ជាក់ថា ការវិនិយោគពីក្រៅប្រទេសចូលមកកាន់ប្រទេសចិន ចាប់ផ្តើមបង្ហាញសញ្ញាល្អឡើងវិញ ចាប់តាំងពីខែមេសា មក ហើយកាលពីខែកញ្ញាកន្លងទៅ ការវិនិយោគពីក្រៅប្រទេស មានទុនសរុប ១៤ពាន់លានដុល្លារអាមេរិក កើនឡើង ២៥% ធៀបនឹងខែកញ្ញា ឆ្នាំ ២០២០នេះ។
មន្ត្រីរូបនេះ បន្តថា ក្រុមហ៊ុនសហគ្រាសបរទេសជាច្រើន គឺនៅស្ងៀម និងរង់ចាំមើលស្ថានការណ៍នៅពេល ដែលវិបត្តិកូវីដ១៩ ផ្ទុះឡើងដំបូងៗ ហើយបច្ចុប្បន្នពួកគេ ចាប់ផ្តើមពង្រីកការវិនិយោគរបស់ពួកគេហើយ។ តួយ៉ាង ក្រុមហ៊ុន BMW, TOYOTA និង LG ជាដើម។
ពិតណាស់ ការវិនិយោគពីក្រៅប្រទេសរបស់ចិន កាលពីត្រីមាសទី ១ គឺធា្លក់ចុះ ១១% ហើយនៅត្រីមាសទី ២ កើនឡើង ៨% វិញ និងចុងក្រោយ ក្នុងត្រីមាសទី ៣ កើនឡើងដល់ទៅ ២០% ឯណោះ។
អត្ថបទទាក់ទង
បើតាមក្រសួងពាណិជ្ជកម្មចិន បញ្ជាក់បន្ថែមថា ចិនបានបង្កើតក្រុមការងារពិសេស ដើម្បីផ្តល់សេវា និងគាំទ្រដល់ គម្រោងវិនិយោគបរទេសសំខាន់ៗ និងជំរុញរដ្ឋបាលខេត្តធំៗ ចំនួន ៦ ឲ្យទាក់ទាញការវិនិយោគពីក្រៅប្រទេសបន្ថែមទៀត ដោយផ្តោតទៅលើ វិស័យឧស្សាហកម្មផលិត វិស័យសេវាកម្ម និងបច្ចេកវិទ្យាទំនើប។
គួរជម្រាបដែរថា ចិន រំពឹងនឹងទទួលបានកំណើន ២០% ទៀត ពីការវិនិយោគពីក្រៅប្រទេស នៅក្នុងត្រីមាសទី ៤ ដំណាច់ឆ្នាំ ២០២០នេះ៕
None
