នៅក្នុងសេចក្តីថ្លែងការណ៍មួយរបស់រដ្ឋមន្ត្រីការបរទេសអាមេរិក លោក អាន់តូននី ប្លីងខេន បាននិយាយថាកោះតៃវ៉ាន់ បានសម្រេចជោគជ័យ ខាងការអភិវឌ្ឍលទ្ធិប្រជាធិបតេយ្យ ការគាំទ្រចំពោះតម្លាភាព សិទ្ធិមនុស្ស និង នីតិរដ្ឋ ដែលស្របតាមគុណតម្លៃរបស់អង្គការសហប្រជាជាតិហើយ។
មន្ត្រីជាន់ខ្ពស់ក្រុងវ៉ាស៊ីនតោនរូបនេះបានបញ្ជាក់ថា នេះជាមូលហេតុដែលយើងលើកទឹកចិត្តឱ្យរដ្ឋសមាជិកអង្គការសហប្រជាជាតិទាំងអស់ ចូលរួមជាមួយយើង[អាមេរិក] ក្នុងការចូលរួមគាំទ្រដ៏រឹងមាំ និងដ៏មានអត្ថន័យរបស់កោះតៃវ៉ាន់ នៅក្នុងប្រព័ន្ធរបស់អង្គការសហប្រជាជាតិ និងក្នុងសហគមន៍អន្តរជាតិ។
ការលើកឡើងបែបនេះត្រូវបានសហរដ្ឋអាមេរិកពន្យល់ថា វាសមស្របទៅតាមគោលនយោបាយរបស់អាមេរិក ដែលគាំទ្រគោលការណ៍ចិនតែមួយ។ ការដែលមិនអោយកោះតៃវ៉ាន់ចូលរួមជាមួយស្ថាប័នអន្តរជាតិ គឺជារឿងពិបាកសម្រាប់ពលរដ្ឋទាំង ២៤លាននាក់ដែលរស់នៅដែនកោះមួយនេះ។ លោក ប្លីនខេន បានលើកឧទាហរណ៍ពីផលលំបាកទទួលបានវ៉ាក់សាំងកូវីដ១៩ របស់ពលរដ្ឋតៃវ៉ាន់ ដោយសារតែកោះតៃវ៉ាន់ មិនមែនជាសមាជិករបស់ WHO ។ អាមេរិកថា ការចូលរួមក្នុងប្រព័ន្ធអង្គការសហប្រជាជាតិមិនមែនជាបញ្ហានយោបាយទេ ប៉ុន្តែដោយសារផលវិបាកជាក់ស្តែង។
យ៉ាងណាមិញ ក្រុងប៉េកាំមិនសប្បាយចិត្ត ចំពោះការអំពាវនាវរបស់អាមេរិក រកការគាំទ្រដល់កោះតៃវ៉ាន់ ឲ្យបានចេញមុខចេញមាត់ពេញលេញ ក្លាយជាសមាជិកអង្គការសហប្រជាជាតិនោះទេ។
នៅថ្ងៃពុធទី២៧ តុលានេះ ចិនបានច្រានចោលទាំងស្រុង នូវសំណើរបស់សហរដ្ឋអាមេរិក ដែលអំពាវនាវឱ្យប្រទេសនៅលើពិភពលោក គាំទ្រ ការចូលរួមយ៉ាងសកម្មរបស់តៃវ៉ាន់ នៅក្នុងក្របខ័ណ្ឌការងារអង្គការសហប្រជាជាតិនិងសហគមន៍អន្តរជាតិ ហើយចិនថែមទាំងបានអះអាងថា ទង្វើរបស់អាមេរិក នឹងឈានទៅប៉ះពាល់ធ្ងន់ធ្ងរដល់ទំនាក់ទំនងទ្វេភាគីនៃមហាអំណាចទាំងពីរ។
អត្ថបទគួរអាន
ជាក់ស្តែងអ្នកនាំពាក្យក្រសួងការបរទេសចិន លោក ចៅ លីចៀន បានចេញមកប្រតិកម្មបដិសេធយ៉ាងដាច់អហង្ការ ថា តៃវ៉ាន់គ្មានសិទ្ធិ ចេញមុខចេញមាត់ពេញលេញនៅអង្គការប្រជាជាតិទេ មានតែរដ្ឋឯករាជ្យប៉ុណ្ណោះ ដែលអាចក្លាយជាសមាជិកអង្គការសហប្រជាជាតិបាន។
យ៉ាងណាមិញ ក្រុងប៉េកាំមិនសប្បាយចិត្ត ចំពោះការអំពាវនាវរបស់អាមេរិក រកការគាំទ្រដល់កោះតៃវ៉ាន់ ឲ្យបានចេញមុខចេញមាត់ពេញលេញ ក្លាយជាសមាជិកអង្គការសហប្រជាជាតិនោះទេ។
នៅថ្ងៃពុធទី២៧ តុលានេះ ចិនបានច្រានចោលទាំងស្រុង នូវសំណើរបស់សហរដ្ឋអាមេរិក ដែលអំពាវនាវឱ្យប្រទេសនៅលើពិភពលោក គាំទ្រ ការចូលរួមយ៉ាងសកម្មរបស់តៃវ៉ាន់ នៅក្នុងក្របខ័ណ្ឌការងារអង្គការសហប្រជាជាតិនិងសហគមន៍អន្តរជាតិ ហើយចិនថែមទាំងបានអះអាងថា ទង្វើរបស់អាមេរិក នឹងឈានទៅប៉ះពាល់ធ្ងន់ធ្ងរដល់ទំនាក់ទំនងទ្វេភាគីនៃមហាអំណាចទាំងពីរ។
None
