តើសុខភាពរបស់វិស័យអចលនវត្ថុ មានស្ថានភាពបែបណានាពេលបច្ចុប្បន្ន?
វិស័យអចលនទ្រព្យ ដែលជាវិស័យដ៏មានសក្ដានុពលមួយនៅកម្ពុជា បានរងផលប៉ះពាល់យ៉ាងដំណំដោយសារជំងឺរាតត្បាតកូវីដ និងវិបត្តិសកលនានា។ តែយ៉ាងណាអ្នកជ…
ការចំណាយរបស់ភ្ញៀវទេសចរចិន នៅតាមគោលដៅទេសចរណ៍ក្នុងស្រុកត្រូវបានគេរំពឹងថានឹងកើនឡើង១១%នៅឆ្នាំនេះ ពោលគឺបានកើនលើសពីកម្រិតមុនពេលផ្ទុះវិបត្តិកូវីដ-១៩ នៅឆ្នាំ២០១៩ទៅទៀត។ នេះបើយោងតាមរបាយការណ៍របស់ក្រុមប្រឹក្សាទេសចរណ៍ និងសេដ្ឋកិច្ចពិភពលោក។
លោកស្រី ជូលី ស៊ីមសុន (Julia Simpson) ប្រធានក្រុមប្រឹក្សាទេសចរណ៍ពិភពលោកបាននិយាយថា ភ្ញៀវទេសចរចិន កំពុងចាប់ផ្តើមធ្វើដំណើរម្តងទៀត ដោយភាពរឹងមាំ និងការងើបឡើងវិញយ៉ាងខ្លាំង។
ភ្ញៀវទេសចរចិន គឺជាកម្លាំងចលករសម្រាប់ឧស្សាហកម្មទេសចរណ៍ពិភពលោក ខណៈដែលប្រទេសជាច្រើនកំពុងរង់ចាំយ៉ាងអន្ទះសារចំពោះការត្រឡប់មកវិញនូវការធ្វើដំណើរ និងការចំណាយពីទីផ្សារភ្ញៀវទេសចរដ៏ធំបំផុតរបស់ពិភពលោកមួយនេះ។ នៅក្នុងឆ្នាំ២០១៩ អ្នកទេសចរចិន បានធ្វើដំណើរទៅក្រៅប្រទេសចំនួន១៧០លាននាក់ ហើយបានចំណាយប្រាក់ជិត២៤៨ពាន់លានដុល្លារនៅក្រៅប្រទេសដែលស្មើនឹង១៤% នៃការចំណាយរបស់អ្នកទេសចរពិភពលោក។ នេះបើតាមទិន្នន័យរបស់ក្រុមប្រឹក្សាទេសចរណ៍ពិភពលោក។
ប៉ុន្តែបញ្ហានៃការទទួលបានទិដ្ឋាការពីប្រទេសមួយចំនួនដូចជាសហរដ្ឋអាម៉េរិកជាដើម និងជើងហោះហើរអន្តរជាតិ ដែលមានតម្លៃកាន់តែថ្លៃនោះ បានជំរុញឱ្យភ្ញៀវទេសចរចិន កាន់តែងាកទៅរកតំបន់ទេសចរណ៍ក្នុងស្រុកដោយផ្ដោតសំខាន់ទៅលើទីក្រុងនានា សម្រាប់អាហារឆ្ងាញ់ពិសាដូចជាអាហារតាមចិញ្ចើមផ្លូវជាដើម៕
អត្ថបទ៖ សុខ មង្គល
None
