ក្រុមអ្នកស្រាវជ្រាវ របស់សាកលវិទ្យាល័យ United Nation បានកំណត់ប្រើប្រាស់បន្ទាត់នៃភាពក្រីក្ររបស់ធនាគារពិភពលោក ពោលគឺ ប្រាក់ចំណូលទាបជាង ១,៩០ ដុល្លារក្នុងមួយថ្ងៃ ឬទាបជាងនេះ ហើយក្នុងសេណារីយ៉ូ អាក្រក់បំផុត ចំនួនប្រជាជនក្រីក្រនឹងកើនដល់ ១.១០០លាននាក់។
លោក អែនឌី សាំ នឺ អ្នកស្រាវជ្រាវនិងសរសេររបាយការណ៍នេះ បានបញ្ជាក់ថា បើយើងមើលទៅលើ ទស្សនវិស័យអំពី ប្រជាជនក្រីក្រជុំវិញសកលលោក គឺពិតជាគួរឲ្យតក់ស្លុត ទាល់តែរដ្ឋាភិបាលនៃប្រទេសនីមួយៗ ចាប់ផ្តើមបញ្ចេញសកម្មភាពភ្លាមៗ និងជួយសង្គ្រោះដល់ ប្រជាជនក្រីក្រ ដែលកំពុងតែបាត់បង់ប្រាក់ចំណូលប្រចាំថ្ងៃនោះទៀត បើមិនដូច្នេះ គោលដៅបញ្ចប់ភាពក្រីក្ររបស់ អង្គការសហប្រជាជាតិនឹងក្លាយទៅជាក្តីសុបិនរហូតហើយ។
អត្ថបទទាក់ទង!
បើតាមក្រុមអ្នកស្រាវជ្រាវមកពី សាកលវិទ្យាល័យ នៅសហរដ្ឋអាមេរិក និងអូស្រ្តាលី សុទ្ធតែរកឃើញដូចគ្នាថា ភាពក្រីក្រ នឹងប្រែប្រួលទៅតាមតំបន់ ហើយប្រជាជនដែលកំពុងប្រឈមមុខជាងគេ គឺនៅតំបន់អាស៊ីអាគ្នេយ៍យើងនេះ ដឹកមុខដោយ ប្រទេសឥណ្ឌា ដែលមានប្រជាពលរដ្ឋច្រើនជាងគេ។
សូមជម្រាបដែរថា ធនាគារពិភពលោក ក៏បានប៉ាន់ប្រមាណដែរថា ប្រជាជនចន្លោះពី ៧០ ទៅ ១០០លាននាក់ នឹងធ្លាក់ចុះរណ្តៅនៃភាពក្រីក្រ ដោយសារតែមេរោគកូវីដ-១៩នេះ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
