សេដ្ឋកិច្ចវិទូមកពី សកលវិទ្យាល័យ Rangsit ប្រទេសថៃ បានអះអាងបញ្ជាក់ថា ការប៉ាន់ប្រមាណនេះ ធ្វើឡើងនៅពេលដែល មានករណីឆ្លងចូលសហគមន៍ ក៏ប៉ុន្តែលោកជឿជាក់ថា រាជរដ្ឋាភិបាលថៃ នឹងអាចគ្រប់គ្រងស្ថានការណ៍នេះបាន តាមរយៈការដាក់ឲ្យដំណើរការនូវ ប្រព័ន្ធតាមដានដ៏មានប្រសិទ្ធភាព។
បើទោះបីជា នាយករដ្ឋមន្រ្តីថៃ លោកប្រាយុទ្ធ ច័ន្ទអូចាទទូចថា ប្រទេសថៃពុំទាន់មានករណីឆ្លងរលកទី ២ យ៉ាងណាក្ដី តែករណីឆ្លងមេរោគថ្មីៗ បានធ្វើឲ្យប្រជាពលរដ្ឋបាត់បង់ទំនុកចិត្តទៅលើ ការធ្វើដំណើរកម្សាន្ត និងចំណាយអំឡុងពេលឆ្លងឆ្នាំសកលនេះ។
អត្ថបទទាក់ទង!
ប្រាក់ចំណូលដែលបានមកពីភ្ញៀវទេសចរថៃ កាលពីពិធីឆ្លងឆ្នាំសកល ឆ្នាំ ២០១៩កន្លងទៅ គឺសម្រេចបានជិត ៧ពាន់លានដុល្លារអាមេរិក ហើយក្រុមអ្នកស្រាវជ្រាវជាច្រើនស្ថាប័ន ក៏បានប៉ាន់ស្មានស្រដៀងគ្នាដែរ ប្រជាពលរដ្ឋថៃ នឹងកាត់បន្ថយការចំណាយរបស់ពួកគេ ជាពិសេសអ្នករស់នៅទីក្រុងធំៗ ដូចជា ទីក្រុងបាងកកជាដើម។
ទោះយ៉ាងណាក៏ដោយ ថ្នាក់ដឹកនាំជាន់ខ្ពស់នៃ អាជ្ញាធរទេសចរណ៍ថៃ បានគូសបញ្ជាក់ថា ក្រោយពេលវិបត្តិកូវីដ១៩បញ្ចប់ ថៃរំពឹងនឹងទទួលបានភ្ញៀវទេសចរអន្តរជាតិ ៨លាននាក់ នៅក្នុងឆ្នាំ ២០២១ខាងមុខ ហើយ វិស័យទេសចរណ៍ នឹងមានភាពប្រសើរឡើងវិញ៕
None
