![តំណាងក្រុមហ៊ុនចុះបញ្ជីនៅ CSX ចំនួន ៦ លាតត្រដាងពីសក្ដានុពលរបស់ខ្លួន ក្នុងកម្មវិធី Earnings Forum 2024](https://cdn.cambonomist.com/media/images/432773158_415329957551339_80348617.2e16d0ba.fill-960x540.jpg)
តំណាងក្រុមហ៊ុនទាំង៦ ដែលបានចូលរួមនោះ មានដូចជា រដ្ឋាករទឹកស្វយ័តក្រុងភ្នំពេញ, កំពង់ផែស្វយ័តភ្នំពេញ, ធនាគារ អេស៊ីលីដា, ក្រុមហ៊ុនខេមជ្ជីអេសអេម ម.ក, ក្រុមហ៊ុន ម៉េងលី ជេ គួច អេឌ្យូខេសិន និងក្រុមហ៊ុន ឌី ប៊ី ឌី អ៊ិនជីនារីង ម.ក។
កម្មវិធីនេះ បានបង្កើតឡើងក្នុងគោលបំណងផ្ដល់ជាវេទិកាជូនក្រមហ៊ុនចុះបញ្ជី ក្នុងការផ្សព្វផ្សាយព័ត៌មានអាជីវកម្មក៏ដូចជាលទ្ធផលហិរញ្ញវត្ថុរបស់ក្រុមហ៊ុនដល់វិនិយោគិនសាធារណៈ។ ក្នុងនោះដែរ វិនិយោគិនអាចស្វែងយល់បន្ថែមពីអាជីវកម្មរបស់ក្រុមហ៊ុនចុះបញ្ជីនៅផ្សារមូលបត្រកម្ពុជា រួមទាំងប្រតិបត្តិការអាជីវកម្ម លទ្ធផលហិរញ្ញវត្ថុប្រចាំត្រីមាសទី៤ ឆ្នាំ២០២៣ និងផែនការអាជីវកម្មឆ្នាំ២០២៤។
![431745175_415329930884675_4405228981134440174_n](https://cdn.cambonomist.com/media/images/431745175_415329930884675_4405228981134440174_n.original.jpg)
ឯកឧត្តម ហុង សុហួរ បានគូសបញ្ជាក់ថា តាមរយៈកម្មវិធី Earning Forum 2024 ផ្សារមូលបត្រកម្ពុជាបានធ្វើការជាមួយក្រុមហ៊ុនមូលបត្រក្នុងការបង្កើតជាសំណេរបាយការណ៍មូលបត្រ (Equity Report) ដែលជារបាយការណ៍វិភាគលើលទ្ធផលអាជីវកម្ម និងហិរញ្ញវត្ថុរបស់ក្រុមហ៊ុនចុះបញ្ជី។ ទន្ទឹមនឹងនោះ ឯកឧត្តម ក៏បានលើកឡើងអំពីមហិច្ឆតាក្នុងការជំរុញទីផ្សារភាគហ៊ុន ដោយកំណត់គោលដៅយ៉ាងមុតមាំក្នុងការសម្រេចឲ្យបាននូវទំហំជួញដូរភាគហ៊ុនប្រចាំថ្ងៃជាមធ្យម ១០០លានដុល្លារ ក្នុងឆ្នាំ២០២៣។ ឯកឧត្តម ហុង សុហួរ សង្កត់ធ្ងន់ថា មហិច្ឆតាធំនេះ សម្រេចទៅបាន ដោយមានការចូលរួមសហការពីសំណាក់ភាគីពាក់ព័ន្ធទាំងអស់។
គិតមកទល់ ខែមីនា ឆ្នាំ២០២៤នេះ ផ្សារមូលបត្រកម្ពុជាមានក្រុមហ៊ុនចុះបញ្ជីសរុបចំនួន ២៣ ដែលបានប្រមូលទុនពីទីផ្សារសរុបប្រហែល ៣៧៩ លានដុល្លារអាមេរិក ដើម្បីយកទៅពង្រីកអាជីវកម្ម៕
![429667094_415329934218008_5262304683064082020_n](https://cdn.cambonomist.com/media/images/429667094_415329934218008_5262304683064082020_n.original.jpg)
![432779253_415330110884657_2464854539232578681_n](https://cdn.cambonomist.com/media/images/432779253_415330110884657_2464854539232578681_n.original.jpg)
![430875304_415330227551312_4215310195966023258_n](https://cdn.cambonomist.com/media/images/430875304_415330227551312_4215310195966023258_n.original.jpg)
![431738620_415330064217995_7347739353106872004_n](https://cdn.cambonomist.com/media/images/431738620_415330064217995_7347739353106872004_n.original.jpg)
![431759666_415330187551316_1931102445408444689_n](https://cdn.cambonomist.com/media/images/431759666_415330187551316_1931102445408444689_n.original.jpg)
![432725109_415330104217991_761868190479489890_n](https://cdn.cambonomist.com/media/images/432725109_415330104217991_761868190479489890_n.original.jpg)
![431820574_415330230884645_6944337468079600009_n](https://cdn.cambonomist.com/media/images/431820574_415330230884645_6944337468079600009_n.original.jpg)
![431724478_415330747551260_8633081477027208933_n](https://cdn.cambonomist.com/media/images/431724478_415330747551260_8633081477027208933_n.original.jpg)