ចិនប្រកាសបើកច្រកព្រំដែននាំចេញទំនិញឡើងវិញជាបណ្ដើរៗហើយជាមួយនឹងវៀតណាមវិញហើយ?
ត្រឹមតែមួយថ្ងៃបន្ទាប់ពីកិច្ចប្រជុំលើកដំបូងនៃក្រុមការងារស្តីពីការសម្រួលពាណិជ្ជកម្មវៀតណាម-ចិនដែលដឹកនាំដោយនាយកដ្ឋានទីផ្សារអាស៊ី-អាហ្វ្រិក នៃក្…
ត្រូវបានស្រង់សំដីផ្ទាល់ដោយ Bloomberg អំឡុងពេលផ្តល់កិច្ចសម្ភាសន៍ជាមួយទូរទស្សន៍ក្នុងស្រុកមួយ លោក Leondios Kostrikis បានអះអាងថា បច្ចុប្បន្នកូវីដ១៩ឌែលតា និងអូមីក្រុងកំពុងបន្តឆ្លងរាលដាលខ្លាំង ហើយធ្វើឲ្យយើងបានរកឃើញការចម្លងមេរោគថ្មីមួយទៀត ដែលវាបានរួមបញ្ចូលគ្នារវាងប្រភេទមេរោគទាំងពីរខាងលើ គឺឌែលតា និងអូមីក្រុង។
លោកបន្តថា របកគំហើញនេះត្រូវបានគេដាក់ឈ្មោះថា "deltacron" (ឌែលតាក្រុង) ដោយសារតែគេបានកំណត់អត្តសញ្ញាណហ្សែនស្រដៀងនឹង អូមីក្រុង នៅក្នុងហ្សែនរបស់កូវីដ១៩ឌែលតា។
លោក Kostrikis និងក្រុមអ្នកវិទ្យាសាស្ត្ររបស់លោកឯទៀតបានរកឃើញករណីបែបនេះចំនួន ២៥ករណីហើយក្នុងប្រទេស៊ីប ដោយក្នុងនោះការវិភាគស្ថិតិបង្ហាញថា ភាគរយនៃមេរោគរួមបញ្ចូលគ្នានេះគឺកើតមានខ្ពស់ជាង លើអ្នកដែលមានកូវីដ១៩ហើយធ្លាក់ខ្លួនសម្រាកក្នុងមន្ទីរពេទ្យ បើប្រៀបធៀបទៅនឹងអ្នកជំងឺដែលមិនបានសម្រាកនៅមន្ទីរពេទ្យ។
គួរជម្រាបថា ទិន្នន័យនៃកូវីដ១៩ ឌែលតាក្រុង ទាំង២៥ករណីដែលអ្នកវិទ្យាសាស្ត្រស៊ីបរកឃើញត្រូវបានគេបញ្ជូនទៅអង្គការ ចែករំលែកទិន្នន័យជាសកលស្តីពីជំងឺរាតត្បាត ហៅកាត់ថា GISIAD ដើម្បីប្រមូលយកព័ត៌មានបន្ថែម។
ក្រុមអ្នកវិទ្យាសាស្ត្ររបស់ប្រទេសស៊ីបដដែល មិនទាន់អាចកំណត់ពីឥទ្ធិពល និងកម្រិតគ្រោះថ្នាក់របស់វាបាននៅឡើយទេ ព្រោះគេត្រូវការពេលវេលាបន្ថែមច្រើនទៀត។ យ៉ាងណាមិញពួកគេអះអាងថា នៅពេលឆាប់ៗនេះ គេនឹងអាចដឹងបានថាវាមានកម្រិតឆ្លងខ្លាំងប៉ុណ្ណា ហើយខ្លាំងជាងឬខ្សោយជាងកូវីដ១៩ឌែលតា និងអូមីក្រុងដែរឬទេ។ ប៉ុន្តែសម្រាប់ទស្សនៈផ្ទាល់ខ្លួនរបស់លោក Kostrikis មេរោគនេះនឹងអាចចូលមកជំនួសតំណែងរបស់អូមីក្រុងនៅថ្ងៃខាងមុខ៕
None
