កម្ពុជាជាប្រទេសដែលរួសរាយរាក់ទាក់បំផុតនៅលើពិភពលោក
តើអ្នកដឹងទេ? ប្រទេសកម្ពុជាក្រៅតែពីមានកន្លែងកម្សាន្តច្រើនដែលទាក់ទាញដល់ទេសចរណ៍មកពីគ្រប់ទិសទីនៃពិភពលោក ក៏មានប្រជាជនដ…
នៅកម្ពុជាតម្រូវការលើការចំណាយ និង ការវេរលុយតាមប្រព័ន្ធហរិញ្ញវត្ថុ ឌីជីថល មានរហូតដល់ទៅ ៨ ៣០០ លានដុល្លារអាមេរិក កាលពីក្នុងឆ្នាំ២០១៦កន្លងទៅនេះ។ ក្នុងនោះការផ្គត់ផ្គង់ជាផ្លូវការនៃតម្រូវការវេលុយតាមប្រព័ន្ធហិរញ្ញវត្ថុឌីជីថល (តាមរយៈទូរស័ព្ទដៃ និង ភ្នាក់ងារវេរលុយ) មានប្រមាណ ៣ពាន់ ៣០០លានដុល្លា។ នេះបើយោងតាមរបាយការណ៍ពីធនាគារអភិវឌ្ឍន៍អាស៊ី ដែលបានផ្សព្វផ្សាយជាសាធារណៈកាលពីពេលថ្មីៗនេះ។
យោងតាមការស្រាវជ្រាវពីធនាគារអភិវឌ្ឍន៍អាស៊ី អេឌីប៊ី ដែលមានចំណងជើងថា “ការពន្លឿនបរិយាប័ណ្ណហិរញ្ញវត្ថុក្នុងតំបន់អាស៊ីអាគ្នេយ៍តាមហិរញ្ញវត្ថុ Digital” បានរកឃើញថា ប្រទេសចំនួន៤ ក្នុងតំបន់អាស៊ីអាគ្នេយ៍ ក្នុងនោះក៏មានកម្ពុជាផងដែរ ដែលបញ្ជាក់ថា ការផ្គត់ផ្គង់ផ្តល់សេវាផ្នែកការចំណាយនិង ការសេវាវេរលុយជាផ្លូការ នៅមានតម្រូវការប្រមាណ ៥ពាន់លានដុល្លារទៀត។
ការផ្លាស់ប្តូរពីសាច់ប្រាក់ទៅសាច់ប្រាក់តាមប្រព័ន្ធហិរញ្ញវត្ថុ Digital នៅកម្ពុជាស្ថិតនៅដំណាក់កាលដំបូងនៅឡើយ។ បច្ចុប្បន្ន មានក្រុមហ៊ុននិងភា្នក់ងារបម្រើសេវាកម្មវេរលុយជាច្រើនបានកំពុងប្រកួតប្រជែងក្នុងវិស័យមួយនេះដូចជា Wing មានភ្នាក់ងារប្រមាណជាង ៣០០០។ សេវាកម្មវេរលុយ AMK មានភ្នាក់ងារប្រមាណ ៣០០០ សេវា E-money អាស៊ីវេរលុយ លីហួរវេលុយ ទ្រូម៉ានី ជាដើម។
ការកើនឡើងនៃចរន្តសាច់ប្រាក់វេរលុយតាមប្រព័ន្ធហិរញ្ញវត្ថុឌីជីថលនេះ ដោយសារតែមានអ្នកប្រើទូរស័ព្ទ ស្មាតហ្វូន ជាច្រើននៅក្នុងប្រទេសកម្ពុជា។ តាមរយៈសេវាហិរញ្ញវត្ថុ Digital ប្រជាជនអាចប្រើសេវាផ្ញើ ឬវេរលុយ បង់ថ្លៃសេវាផ្សេងៗតាមរយៈប្រព័ន្ធទូរស័ព្ទដៃ និងភ្នាក់ងារនៃអ្នកប្រតិបត្តិការទាំងនោះ បើទោះបីជាពួកគេទាំងមិនមានគណនីធនាគារក្តី។
នៅកម្ពុជា សេវាទូទាត់ប្រាក់តាមប្រព័ន្ធអេឡិចត្រូនិករីកដុះដាលដូចផ្សិតស្ទើរតែគ្រប់ទីកន្លែងនៅទូទាំងប្រទេស។
(រូបភាព៖ ហេង ភារម្យ)
បើយោងតាមរបាយការណ៍របស់ធនាគារពិភពលោកកាលពីឆ្នាំ២០១៤ បានបញ្ជាក់ថា ប្រជាជនកម្ពុជាមានប្រមាណត្រឹមតែ២០ភាគរយប៉ុណ្ណោះ ដែលមានគណនីធនាគារប្រើប្រាស់។
របាយការណ៍របស់ធនាគារអភិវឌ្ឍន៍អាស៊ី បានឲ្យដឹងទៀតថា សេវាកម្មហិរញ្ញវត្ថុ Digital នៅក្នុងរយៈពេល៥ឆ្នាំខាងមុខនេះ អាចនឹងមានបំពេញតម្រូវការខ្ពស់លើការផ្គត់ផ្គង់ ការផ្តល់សេវាកម្មលើផ្នែកចំណាយ និងសេវាកម្មវេរលុយជាផ្លូការ ការសន្សំប្រាក់កម្ចី សេវាកម្មធានារ៉ាប់រង។
សេវាកម្មហិរញ្ញវត្ថុ Digital ក្នុងប្រទេសកម្ពុជានឹងរួមចំណែក៦ភាគរយ នៃកំណើនសេដ្ឋកិច្ច ដែលក្នុងនោះនឹងជំរុញឲ្យមានចរន្តនៃការចំណាយតាមប្រព័ន្ធអេឡិចត្រូនិក ប្រមាណ ១,៧ពាន់លានដុល្លារ ធ្វើឲ្យមានការស្រូបយកឥណទានបន្ថែមប្រមាណ ២,៥ពាន់លានដុល្លារ និងអាចធ្វើឲ្យការសន្សំប្រមាណ ៥០០លានដុល្លារ។
សូមបញ្ជាក់ថា សេវាកម្មហិរញ្ញវត្ថុ Digital គឺជាការផ្តល់ជូននូវសេវាកម្មហិរញ្ញវត្ថុជាមូលដ្ឋានដល់ប្រជាជនដែលមានកម្រិតជីវភាពទាប និងប្រជាជនដែលនៅតំបន់ដាច់ស្រយាល តាមរយៈភាពច្នៃប្រឌិត តាមប្រព័ន្ធបច្ចេកវិទ្យា ដូចជា ការវេរលុយនិងការទូទាត់លុយតាមប្រព័ន្ធទូរស័ព្ទ ប្រព័ន្ធវេរលុយចល័ត ការចំណាយតាមរយៈប្រព័ន្ធហិរញ្ញវត្ថុ Digital៕
