សហគមន៍អឺរ៉ុបមានគោលដៅផលិត គ្រឿងបង្គុំអេឡិត្រូនិក និងបន្ទះឈីប (Chip) ឲ្យបាន ២០%នៃចំនួនបន្ទះឈីបសរុបក្នុងលោក នៅត្រឹមឆ្នាំ២០៣០។ ចក្ខុវិស័យរបស់ EU គឺធ្វើយ៉ាងណាអភិវឌ្ឍខ្លួនឲ្យក្លាយជាអ្នកផលិតបន្ទះឈីបធំជាងគេលំដាប់ទី៥ក្នុងលោក ព្រមទាំងឈានជើងចូលសង្វៀនប្រកួតប្រជែងជាមួយសហរដ្ឋអាមេរិក និងប្រទេសចិន ដែលសុទ្ធសឹងជាប្រទេសផលិតឈីបធំៗក្នុងលោក។
ផែនការនេះផងដែរ បានដាក់ចេញជួនចំពេលដែលចង្វាក់ផលិតកម្មគ្រឿងបង្គុំអេឡិចត្រូនិក និងជារួមបន្ទះឈីបក្នុងពិភពលោក កំពុងជួបប្រទះការខ្វះខាតខ្លាំង។
អត្ថបទទាក់ទង
សហរដ្ឋអាមេរិក កាលពីខែកុម្ភៈទើបបានចាក់បញ្ចូលលុយរាប់ពាន់លានដុល្លារ ដើម្បីជំរុញការផលិតបន្ទះឈីបក្នុងប្រទេសរបស់ខ្លួនក្រោយជួបការខ្វះខាតខ្លាំងអំឡុងវិបត្តិកូវីដ-១៩ ព្រមទាំងបានអះអាងពីការលែងពឹងពាក់ផលិតផលរបស់ប្រទេសចិនថែមទៀតផង។ ខណៈដែលចិនវិញ ក៏កំពុងបញ្ចេញប្រភពទុនបន្ថែមដើម្បីជំរុញការផលិតបន្ទះឈីបនេះផងដែរ។
គួររំឭកថា បន្ទះឈីបជាសមាសធាតុសំខាន់ ក្នុងផលិតផលប្រចាំថ្ងៃដូចជា ឡាននិងទូរស័ព្ទចល័ត ឧបករណ៍អេឡិចត្រូនិកនានា ដែលបច្ចុប្បន្នកំពុងខ្វះខាតនៅទូទាំងពិភពលោក ហើយអឺរ៉ុបពឹងផ្អែកលើការនាំចូលពី ចិន និងអាមេរិកនៅក្នុងទីផ្សាររបស់ខ្លួន ហើយត្រូវបានគេប៉ាន់ស្មានមានទឹកប្រាក់ដល់ទៅជាង ៤០០ ពាន់លានអឺរ៉ូ ឬស្មើរនឹង ជាង៥០០ ពាន់លានដុល្លារអាមេរិក។
កង្វះខាតខ្លាំងដូចនេះ បណ្តាលមកពីការរាតត្បាតនៃជំងឺឆ្លងរាលដាលកូវីដ-១៩ ដោយបានបង្ខំ ឱ្យក្រុមហ៊ុន ផលិតធំៗ មួយចំនួន ផ្អាកខ្សែចង្វាក់ផលិតកម្មរបស់ខ្លួន៕
None
