តំណាងសភាពាណិជ្ជកម្មអឺរ៉ុបបានឲ្យដឹង តាមរយៈសារព័ត៌មាន Vietnam Express ថា សភាអឺរ៉ុបកំពុងធ្វើការយ៉ាងវិជ្ជមានទៅលើដំណើរការឈានទៅសម្រេចកិច្ចព្រមព្រៀងពាណិជ្ជកម្មសេរីអឺរ៉ុប វៀតណាម។
ស្រដៀងគ្នានេះដែរ អនុរដ្ឋមន្ត្រីការបរទេសវៀតណាម លោក Bui Thanh Son បានថ្លែងប្រាប់កាសែតក្នុងស្រុកវៀតណាមថា វៀតណាម និងអឺរ៉ុប បាន និងកំពុងធ្វើការយ៉ាងជិតស្និទជាមួយនឹងប្រទេសសមាជិកសហភាពអឺរ៉ុប និងអ្នកពាក់ព័ន្ធផ្សេងទៀត ដើម្បីធ្វើឲ្យប្រាកដថា នឹងមានការចុះហត្ថលេខាលើកិច្ចព្រមព្រៀងពាណិជ្ជកម្មនេះ ក្នុងពេលឆាប់ៗ។ តាមការបញ្ជាក់ពីមន្ត្រីជាន់ខ្ពស់វៀតណាមរូបនេះ ដំណើរការឈានទៅរកការចុះហត្ថលេខាលើកិច្ចព្រមព្រៀងពាណិជ្ជកម្មសេរីនេះ អាចនឹងចាប់ផ្ដើមឡើងនៅឆ្នាំនេះហើយ។
អត្ថបទទាក់ទង!
គួរបញ្ជាក់ថា សំណើរកិច្ចកិច្ចព្រមព្រៀងពាណិជ្ជកម្មសេរីអឺរ៉ុបវៀតណាមនេះ ត្រូវបានដាក់ជូនទៅឲ្យក្រុមប្រឹក្សាអឺរ៉ុប កាលពីឆ្នាំមុន ដែលវាមានការលុបបំបាត់ពន្ធនាំចូលទំញ ជាច្រើនរវាងភាគីទាំងពីរនាំទៅគ្នា ទៅវិញទៅមក។
ក្នុងកិច្ចព្រមព្រៀងនោះ ត្រូវបានគេដឹងថា នឹងមានការលុបបំបាត់ពន្ធនាំចូលប្រមាណ ៦៥ ភាគរយ សម្រាប់មុខទំនិញនាំចេញរបស់អឺរ៉ុបចូលមកវៀតណាម ហើយនៅសល់ប៉ុន្មាននឹងត្រូវលុបចោលបន្តិចម្ដងៗ ក្នុងពេល១ទសវត្សរ៍ក្រោយ។
រីឯទំនិញរបស់វៀតណាមនាំទៅអឺរ៉ុបវិញ នឹងត្រូវលុបពន្ធ ៧១% នឹងកើនឡើងដល់ជាង៩៩% នៅរយៈពេល៧ឆ្នាំក្រោយ។
អត្ថបទគួរអាន!
សហភាពអឺរ៉ុប គឺជាទីផ្សារនាំចេញធំបំផុតទី២របស់វៀតនាម បន្ទាប់ពីសហរដ្ឋអាមេរិក ពោលគឺអឺរ៉ុបបានទិញទំនិញពីវៀតណាមកាលពីឆ្នាំ២០១៨ មានតម្លៃប្រមាណ ៤២ពាន់លានដុល្លារអាមេរិក កើនឡើងជាង៩% ធៀបនឹងឆ្នាំ២០១៧។
ដោយឡែក ទំហំពាណិជ្ជកម្មទ្វេភាគីរវាងអឺរ៉ុប និងវៀតណាមវិញ បានការកើនឡើងប្រមាណ១០% ក្នុងមួយឆ្នាំ ពោលគឺ មានប្រមាណជិត៥៦ ពាន់លានដុល្លារអាមេរិក កាលពីឆ្នាំមុន៕
None
