លោក អាខុម រដ្ឋមន្ត្រីក្រសួងហិរញ្ញវត្ថុថៃ បានលើកឡើងថា រាជរដ្ឋាភិបាលគួរតែធ្វើការសម្រេចចិត្តអំពីស្ថានភាពហិរញ្ញវត្ថុរបស់ប្រទេស ថាតើគួរស្វែងរកប្រាក់កម្ចីបន្ថែម ឬក៏អត់។ លោកបន្ថែមថា ទោះបីជាមានឱកាសសម្រាប់ប្រទេសថៃក្នុងទទួលយកបំណុលសាធារណៈថ្មីបន្ថែមប្រហែល ១០%ទៀត ដែលនឹងជំរុញឲ្យទំហំបំណុលសាធារណៈរបស់ថៃកើនដល់៦០%នៃ ផលិតផលក្នុងស្រុកក៏ដោយ ក៏ប្រទេសនេះនៅតែត្រូវការធនធានសម្រាប់បម្រុងទុក ក្នុងករណីមានគ្រោះអាសន្ន ដែលមិនបានមើលឃើញទុកជាមុនផងដែរ។
លោករដ្ឋមន្ត្រីក្រសួងហិរញ្ញវត្ថុថៃ និយាយថា ស្ថានភាពកូវីដ-១៩ ហាក់ដូចជាមិនសូវមានសញ្ញាធ្ងន់ធ្ងរនោះទេ ជាពិសេសប្រទេសភាគច្រើនបានបើកដំណើរការសកម្មភាពសេដ្ឋកិច្ចឡើងវិញ ហើយប្រទេសថៃក៏កំពុងរៀបចំឡើងវិញនៃការបើកសេដ្ឋកិច្ចជាបន្ដបន្ទាប់ផងដែរ។ លោកបន្ថែមថា បន្ទាប់ពីបានខ្ចីកម្ចីក្នុងកម្រិតអតិបរិមា ជិត ៤៤ពាន់លានដុល្លារ រួច ដែលត្រូវបានអនុញ្ញាតនៅក្រោមច្បាប់នៃកម្ចីសង្គ្រោះបន្ទាន់ចំនួនពីរ ដើម្បីផ្តល់មូលនិធិដល់គម្រោង ដែលត្រូវបាននរៀបចំឡើងសម្រាប់កាត់បន្ថយផលប៉ះពាល់សេដ្ឋកិច្ចនៃ កូវីដ-១៩ ក្នុងរយៈពេល ២ ឆ្នាំកន្លងមកនេះ ការសម្រេចថា ខ្ចី ឬមិនខ្ចីកម្ចីបន្ថែមរបស់រដ្ឋាភិបាល គឺអាស្រ័យថា តើកម្ចីថ្មីនោះ វាមានភាពចាំបាច់កម្រិតណា សម្រាប់ស្ថានភាពបច្ចុប្បន្ន និងអនាគត៕
អត្ថបទ៖ ម៉ុន សុកែវ
អត្ថបទគួរអាន
សម្រាប់វិស័យទេសចរណ៍កំពុងមានការកើនឡើងនៃភ្ញៀវអន្តរជាតិ ទោះបីជាចំនួននេះនៅតែទាបជាងប្រហែល ៤០ លាននាក់ក្នុងមួយឆ្នាំមុនពេល កូវីដ-១៩ ក៏ដោយ។ រដ្ឋមន្ត្រីក្រសួងពាណិជ្ជកម្មថៃ លោក Jurin Laksanawisit បាននិយាយថា នៅពេលដែលសង្គ្រាមរុស្ស៊ី និងអ៊ុយក្រែន បន្តជះឥទ្ធិពលដល់តម្លៃប្រេងរបស់ពិភពលោក ប្រទេសថៃត្រូវតែទទួលរងនូវការចំណាយខ្ពស់ក្នុងការផលិតផលិតផលប្រើប្រាស់ និងសេវាកម្មផ្សេងៗផងដែរ។ លោកបានបន្តថា តម្លៃថាមពលខ្ពស់នឹងបន្តធ្វើឲ្យស្ថានការណ៍អតិផរណានៅទូទាំងពិភពលោកកាន់មានសភាពតែធ្ងន់ធ្ងរ។
សូមបញ្ជាក់ថា របាយការណ៍ថ្មីចុងក្រោយមួយរបស់ធនាគារពិភពលោកបានព្យាករកំណើនសេដ្ឋកិច្ចថៃ នៅឆ្នាំ២០២២នេះ នឹងកើនត្រឹមតែ ២,៩%ប៉ុណ្ណោះ ធ្លាក់ចុះពីការព្យាករកាលពីមុនធ្លាប់រំពឹងថាមាន ៣,៦% ខណៈដែលប្រទេសនេះ ក៏កំពុងប្រឈមនឹងសម្ពាធអតិផរណាកាន់តែខ្លាំងផងដែរ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
