របាយការណ៍ដដែលបានឲ្យដឹងទៀតថា នៅឆ្នាំ២០៣០ កំណើនលំនៅដ្ឋាននឹងមានការកើនឡើងខ្ពស់ថែមទៀត ពោលគឺនឹងមានប្រមាណជិត១លានខ្នង ដើម្បីបំពេញតម្រូវការជូនប្រជាពលរដ្ឋចូលមករស់នៅក្នុងទីក្រុង ដែលនឹងអាចកើនឡើងដល់ជិត៨លាននាក់។
ទន្ទឹមនឹងនេះ
កន្លងមករាជរដ្ឋាភិបាលក៏បានលើកទឹកចិត្តដល់អ្នកអភិវឌ្ឍន៍លំនៅដ្ឋាន
ឲ្យងាកមកសាងសង់លំនៅដ្ឋានតម្លៃសមរម្យ ដែលមានតម្លៃប្រហាក់ប្រហែល ៣ម៉ឺន ឬ៤ម៉ឺន
ឬក្រោមនេះ សម្រាប់បំពេញតម្រូវការដល់អ្នកចំណូលទាប និងមធ្យម ខណៈដែលទីផ្សារនេះ
ត្រូវបានអ្នកជំនាញខាងអចលនទ្រព្យមើលឃើញថា កំពុងមានការប្រកួតប្រជែងគ្នាគួរឲ្យកត់សម្គាល់ផងដែរ។ ទោះយ៉ាងនេះក្ដី
គេសង្កេតឃើញថា ការអភិវឌ្ឍលំនៅដ្ឋានលំដាប់ខ្ពស់ក៏នៅតែមានកំណើនផងដែរ ហាក់មិនសូវមានការថមថយនោះទេ ខណៈដែលម្ចាស់គម្រោងធំៗជាច្រើននៅតែសម្លឹងឃើញឱកាសទីផ្សារសាងសង់លំនៅដ្ឋានតម្លៃរាប់សិបម៉ឺន
ឬខ្ទង់លានដុល្លារ។
លោកស្រី Kaing Naykouy ជាគណៈគ្រប់គ្រងក្រុមហ៊ុន Natha Residences ដែលបានសាងសង់គម្រោងលំនៅដ្ឋាន THE WOODS លើផ្ទៃជាង៣ហិកតា និងមានតម្លៃផ្ទះ ចាប់ពីប្រមាណ១០ម៉ឺនដុល្លារ រហូតដល់ជិតកន្លះលានដុល្លារ បានគូសបញ្ជាក់ថា លោកស្រីនៅតែមានសុទិដ្ឋិយមខ្ពស់ក្នុងការអភិវឌ្ឍន៍លំនៅដ្ឋានលំដាប់ខ្ពស់នេះ ដោយសារតែលោកស្រី ជឿជាក់លើគុណភាពសំណង់ និងការផ្ដល់ជូនពិសេសដូចជា ប្រព័ន្ធហេដ្ឋារចនាសម្ព័ន្ធសម្បូរបែប សម្រាប់អតិថិជន ដែលមានតម្រូវការលំនៅដ្ឋានបែបស្ដង់ដាររស់នៅទំនើបស៊ីវិល័យ។
តាមប្រសាសន៍របស់ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានសាទរចំពោះការសាងសង់គម្រោងលំនៅដ្ឋាន ដែលមានស្ដង់ដារគុណភាព និងមានហេដ្ឋារចនាសម្ព័ន្ធត្រឹមត្រូវ ព្រោះវា គឺជាការរួមចំណែកមួយក្នុងការអភិវឌ្ឍទីក្រុង ស្របទៅតាមយុទ្ធសាស្ត្រអភិវឌ្ឍន៍របស់រាជរដ្ឋាភិបាលផងដែរ។
តើអ្នកបានអានអត្ថបទនេះ ហើយឬនៅ?
តាមរបាយការណ៍ពីក្រសួង រៀបចំដែនដី នគរូបនីយកម្ម និងសំណង់ បានឲ្យដឹងថា គិតត្រឹម ឆ្នាំ២០១៧ នៅរាជធានីភ្នំពេញ មានគម្រោងអភិវឌ្ឍន៍បុរីលំនៅដ្ឋានសរុបចំនួន ១៨៨ ទីតាំង ក្នុងនោះ៥២ ទីតាំងត្រូវបានស្នើសុំធ្វើការសាងសង់នៅក្នុងឆ្នាំ២០១៧ ខណៈដែលអគារខ្ពស់ចាប់ពី៥ជាន់ឡើងទៅមាន ៩៧៩អគារ៕
None
