តាមការរាយការណ៍ពីសារព័ត៌មានចិន កាលពីពេលថ្មីៗនេះដែរ ក៏បានឲ្យដឹងដែរថា ក្រុមហ៊ុនផលិតយានយន្ដអគ្គិសនីចិនឈ្មោះថា Li Auto កំពុងតែចាប់អារម្មណ៍ក្នុងការទិញយករោងចក្ររបស់ Hyundai នៅក្រុងប៉េកាំងនេះ។
កាលពីខែមេសាក្រុមហ៊ុន Hyundai Motor Group ធ្លាប់បានបង្ហាញពីមហិច្ឆតារបស់ខ្លួននឹងបង្កើតនូវយានយន្ដអគ្គិសនីថ្មីៗនៅក្នុងប្រទេសចិនជារៀងរាល់ឆ្នាំ ចាប់ពីឆ្ន២០២២តទៅ ដើម្បីពង្រីកពីវិសាលភាពរបស់ខ្លួនក្នុងនាមជាក្រុមហ៊ុនផលិតរថយន្ដធំបំផុតក្នុងពិភពលោក។ ប៉ុន្ដែ ស្រាប់តែពេលនេះ បែរជាលេចចេញព័ត៌មានការលក់រោងចក្ររបស់ខ្លួនទៅវិញ។
ទាក់ទិននឹងបញ្ហានេះ ក្រុមហ៊ុន Hyundai មិនបានបញ្ជាក់លម្អិតពីបញ្ហានេះនោះទេ ទៅកាន់សារព័ត៌មាននោះទេ។
អត្ថបទទាក់ទង!
សូមបញ្ជាក់ថា ក្រុមហ៊ុន Hyundai Motor នៅត្រីមាសទី១ឆ្នាំ២០២១នេះ មានការរាយការណ៍ប្រាក់ចំណូលកើនឡើងជាង៨% ដែលមានទឹកប្រាក់សរុបជាង២៤ពាន់លានដុល្លារ ខណៈដែលប្រាក់ចំណេញវិញមានការកើនឡើងជាង៩០% ប្រមាណ១ពាន់៥រយលានដុល្លារអាមេរិក។
តម្រូវការរថយន្ដថ្មីមានការកើនឡើងគួរឲ្យកត់សម្គាល់នៅដើមឆ្នាំនេះ ក្នុងនោះទីផ្សារលក់រថយន្ដសកលរបស់ Hyundai កើនឡើង១១% នៅក្នុងត្រីមាសទី១ឆ្នាំនេះ ដោយមានការនាំចេញទៅចិនហក់ឡើងដល់ទៅ ៤៨% ទីផ្សារឥណ្ឌាកើន៤៤% និងទីផ្សារកូរ៉េខាងត្បូងវិញកើន១៧%។ ប៉ុន្ដែ សម្រាប់ការនាំចេញទៅទីផ្សារអាមេរិក និងរុស្ស៊ីវិញមានការធ្លាក់ចុះគួរឲ្យកត់សម្គាល់។
ឧស្សាហកម្មផលិតរថយន្ដពិភពលោកនាពេលបច្ចុប្បន្ននេះ ត្រូវបានគេមើលឃើញថា ហាក់កំពុងមានការប្រឈមខ្លាំងនៅមួយរយៈចុងក្រោយនេះ ទាក់ទងនឹងបញ្ហាកង្វះខាតបន្ទះឈីបសម្រាប់ការការផលិត ហើយក្នុងនោះ ក្រុមហ៊ុនផលិតរថយន្ដយក្សៗដូចជា តូយ៉ូតា រួមទាំង Hyundaiផង ក៏ប្រឈមនឹងបញ្ហានេះដូចគ្នា។ លើសពីនេះទៀត សូម្បីតែក្រុមហ៊ុនអាមេរិក ផលិតរថយន្ដអគ្គិសនី Tesla ក៏កំពុងប្រឈមបញ្ហានេះដូចគ្នាដែរ។ ជាក់ស្ដែង ថ្មីៗនេះ ក្រុមហ៊ុន Tesla ក៏បានប្រកាសស្វែងរកទិញបន្ទះឈីប និងសុខចិត្តបង់លុយឲ្យក្រុមហ៊ុនផលិតបន្ទះឈីបនេះមុនផងដែរ ឲ្យតែបានផលិតផលនោះ មកប្រើប្រាស់សម្រាប់ការផលិតរថយន្ដរបស់ខ្លួន ខណៈបច្ចុប្បន្នកំពុងខ្វះខាតខ្លាំង។
None
