មូលហេតុដែលឈានដល់ការបិទជាអចិន្ត្រៃយ៍បែបនេះ ដោយសារកន្លងមករដ្ឋាភិបាលឥណ្ឌា ពិនិត្យឃើញគុណវិបត្តិដូចជា ធ្វើឱ្យប៉ះពាល់ដល់សុវត្ថិភាពបុគ្គល និងការលួចយកទិន្នន័យរបស់ថ្នាក់ដឹកនាំ។ លើសពីនេះ ឥណ្ឌាអះអាងថា កម្មវិធីទាំងអស់នេះត្រូវបានចូលរួមនៅក្នុងសកម្មភាពដែលធ្វើឱ្យប៉ះពាល់ដល់អធិបតេយ្យភាព និងបូរណភាពទឹកដីរបស់ប្រទេសឥណ្ឌា ក្នុងការការពារប្រទេសឥណ្ឌាសន្តិសុខនៃរដ្ឋ និងសណ្តាប់ធ្នាប់សាធារណៈ។
ក្នុងចំណោមកម្មវិធីទាំងនោះក៏មានដែរ កម្មវិធីបណ្តាញសង្គម TikTok របស់ក្រុមហ៊ុនចិន ByteDance ដែលកំពុងទទួលបានការពេញនិយមប្រើប្រាស់ទូទាំងពិភពលោក និងជាពិសេសក្នុងចំណោមយុវជនឥណ្ឌា។
អត្ថបទគួរអាន
ការហាមឃាត់នេះត្រូវបានគេរំពឹងថា នឹងក្លាយជាឧបសគ្គដ៏ធំមួយសម្រាប់ក្រុមហ៊ុននានាដូចជាក្រុមហ៊ុន Bytedance មានមូលដ្ឋាននៅទីក្រុងប៉េកាំង ដែលមានគម្រោងវិនិយោគក្នុងទឹកប្រាក់ជាង១ពាន់លានដុល្លារ នៅក្នុងប្រទេសឥណ្ឌាដើម្បីបើកមជ្ឈមណ្ឌលទិន្នន័យក្នុងស្រុកមួយ។
គួររំឭកថាកន្លងមក ឥណ្ឌាក៏បានហាមឃាត់កម្មវិធីទូរស័ព្ទចិនអស់ចំនួន ១១៨ មកហើយរាប់បញ្ចូលទាំងកម្មវិធីហ្គេម PUBG ដែលមានប្រជាប្រិយភាព ស្របពេលដែលឥណ្ឌានិងចិនមានការប្រឈមមុខដាក់គ្នានៅតាមព្រំដែននៃជួរភ្នំហិម៉ាឡៃ ដែលប្រការនេះត្រូវបានគេមើលឃើញថា ជាចេតនាក្នុងការដាក់សម្ពាធទៅលើក្រុមហ៊ុនរបស់ចិន៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
