របួសមនុស្សម្នាក់ខូចខាតផ្ទះ៥ខ្នងដោយគ្រោះអគ្គិភ័យអំឡុងបុណ្យចូលឆ្នាំបីថ្ងៃ

របាយការណ៍ដដែល​បានឲ្យដឹងថា បានឱ្យដឹងនៅកាលពីថ្ងៃចន្ទដើមសប្តាហ៍នេះថា ចាប់ពីថ្ងៃទី១៤ ដល់​ថ្ងៃទី​១៦ ខែ​មេសា ឆ្នាំ២០២២ ដែលជាថ្ងៃបុណ្យចូលឆ្នាំ មានគ្រោះអគ្គិភ័យបានកើតឡើងចំនួន៧លើក ក្នុងនោះបានបណ្ដាល​ឱ្យផ្ទះចំនួន៥ខ្នង និងតូប១ រួមទាំងខ្សែភ្លើងចំនួន៣៧ដុំ បាន​រងនូវការ​ឆាបឆេះ និងបណ្ដាលឱ្យ​បុរស​ម្នាក់​​បាន​រង​របួស​។

របាយការណ៍ពី​នាយកដ្ឋាននគរបាល​បង្ការ​ ពន្លត់អគ្គិភ័យ និងសង្គ្រោះឲ្យដឹងទៀតថា ខេត្តដែលមានគ្រោះអគ្គិភ័យនោះ រួមមាន ខេត្តព្រះវិហារ ព្រះសីហនុ កំពង់ធំ បាត់ដំបង សៀមរាប និង​ត្បូងឃ្មុំ ហើយ​មូល​ហេតុ​បណ្ដាលមកពីឆ្លងចរន្តអគ្គិសនី ឆេះចង្ក្រាន ភ្លើងដុតសំរាម និង​មិនទាន់ដឹងមូលហេតុ​១ករណី ក្នុងខេត្តត្បូងឃ្មុំ ហើយកំពុងបន្តស្រាវជ្រាវ។

សូមបញ្ជាក់ថា គ្រោះអគ្គិភ័យ​ក្នុងរយៈពេល​៣ថ្ងៃនៃពិធីបុណ្យចូលឆ្នាំ ឆ្នាំ២០២២នេះ មាន​ការ​ថយចុះ២លើក​ បើធៀបនឹងរយៈពេលដូចគ្នាក្នុងពិធីបុណ្យចូលឆ្នាំ ​កាលពីឆ្នាំមុន ដែលមានគ្រោះអគ្គិភ័យ​កើត​​ឡើងដល់ទៅ​៩លើក៕

អត្ថបទ សោម ស្រីពេជ្រ