អ្នកវិភាគអះអាងថា ផែនការទាក់ទាញក្រុមហ៊ុនអាម៉េរិក នៅក្រៅប្រទេសឱ្យមកបើកផលិតកម្មនៅអាម៉េរិករបស់លោក ត្រាំ ហាក់ជាប់គាំង
ផែនការទាក់ទាញផលិតកម្មរបស់សហរដ្ឋអាម៉េរិក ពីប្រទេសផ្សេងៗឱ្យមកបោះមូលដ្ឋានផលិតកម្មនៅលើទឹកដីអាម៉េរិកវិញ ដែលបានដាក់ចេញដោយរដ្ឋបាលលោក ដូណាល់…
លោកស្រី ផាវ៉ាន ណាវ៉ាវ៉ាត់តាណាស៊ុប (Pawan Nawawattanasub) នាយកប្រតិបត្តិក្រុមហ៊ុនជួញដូរមាសអន្តរជាតិ YlG Bullion International ដែលមានមូលដ្ឋាននៅក្រុងបាងកក ប្រទេសថៃ បានព្យាករថា ហាងឆេងមាសនៅលើទីផ្សារពិភពលោកអាចនឹងហក់ឡើងថ្លៃខ្ពស់រហូតដល់៣,៦៥០ដុល្លារអាម៉េរិកក្នុងមួយអោន ឬ៤,៤៥០ដុល្លារអាម៉េរិក ក្នុងមួយតម្លឹងនៅឆមាសទី២ ឆ្នាំ២០២៥ នេះ។
អ្នកជំនាញរូបនេះ បានគូសបញ្ជាក់ថា ហាងឆេងដុំមាសបានហក់ឡើងថ្លៃរហូតដល់២៥% នៅក្នុងឆមាសទី១ ឆ្នាំ២០២៥ ដែលជំរុញដោយកត្តាចម្បងៗរួមមាន សង្គ្រាមពន្ធគយបញ្ឆេះឡើងដោយសហរដ្ឋអាម៉េរិក ហានិភ័យភូមិសាស្ត្រនយោបាយ និងកំណើននៃការសម្រុកប្រមូលទិញចូលមាសពីសំណាក់ធនាគារកណ្តាលនានា ទូទាំងពិភពលោក។
លោកស្រីបានលើកឡើងទៀតថា គិតត្រឹមថ្ងៃទី៨ ខែកក្កដា មាសត្រូវបានជួញដូរក្នុងតម្លៃប្រមាណ៣,២២៦ដុល្លារក្នុងមួយអោន ឬ៤,០៥៧ដុល្លារក្នុងមួយតម្លឹង។ លោកស្រីបានព្យាករថា ហាងឆេងមាសអាចនឹងបន្តហក់ឡើងថ្លៃដល់ដល់៣,៦៥០ដុល្លារអាម៉េរិកក្នុងមួយអោន ឬ៤,៤៥០ដុល្លារអាម៉េរិកក្នុងមួយតម្លឹងនៅត្រឹមដំណាច់ឆ្នាំ២០២៥នេះ។
សូមបញ្ជាក់ថា នៅឆ្នាំ២០២៤ ហាងឆេងមាសនៅលើទីផ្សារអន្តរជាតិ បានហក់ឡើងថ្លៃរហូតដល់ទៅ២៧% ហើយក្នុងរយៈពេល២០ឆ្នាំចុងក្រោយនេះ មាសបានហក់ឡើងថ្លៃជាមធ្យម៩,៣៦% ក្នុងមួយឆ្នាំៗ៕
ដោយ: តែម សុខុម
