ស្ថានភាពសេដ្ឋកិច្ចបង្ខំឱ្យក្រុមហ៊ុន ថេស្លា, GM និង Ford កាត់បន្ថយការផលិតរថយន្តអគ្គិសនី
ក្រុមហ៊ុនរថយន្តខ្នាតយក្សរបស់អាម៉េរិក ចំនួន៣គឺក្រុមហ៊ុន ថេស្លា ក្រុមហ៊ុន General Motors និងក្រុមហ៊ុន Ford បានស្រុះស្រួលគ្នាថា នឹងប្រុងប្រយ…
នាយករដ្ឋមន្ត្រីអេហ្ស៊ីប លោក អាប់ដេល ហ្វាតា អេលស៊ីស៊ី (Abdel Fattah el-Sisi) បានបញ្ជាក់ថា អេហ្ស៊ីប យល់ព្រមទទួលជំនួយពីអន្តរជាតិ ឱ្យឆ្លងកាត់ច្រកព្រំដែនខ្លួន សម្រាប់ឱ្យប្រជាជននៅហ្កាហ្សាមែន តែការទទួលជនភៀសខ្លួនរាប់ម៉ឺននាក់នោះ គឺអេហ្ស៊ីបមិនអាចធ្វើបានទេ។ លោក សង្កត់ធ្ងន់ថា ការធ្វើបែបនេះអាចធ្វើឱ្យក្រុមសកម្មប្រយុទ្ធប្រឆាំងអ៊ីស្រាអែល ចូលមកក្នុងប្រទេសអេហ្ស៊ីប និងប្រើប្រាស់ទឹកដីខ្លួនជាមូលដ្ឋានសម្រាប់អ៊ីស្រាអែល។
លោក ស៊ីស៊ី ថា អ៊ីស្រាអែលគួរតែអនុញ្ញាតឱ្យប្រជាជនប៉ាឡេស្ទីនផ្លាស់ទីទៅកាន់វាលខ្សាច់ Negev រហូតដល់គេបញ្ចប់ប្រតិបត្តិការយោធារបស់ខ្លួនប្រឆាំងនឹងហាម៉ាស។ គួរជម្រាបថា អេហ្ស៊ីបបានទទួលជនភៀសខ្លួនជាច្រើនរួចមកហើយពីប្រទេសស៊ីរី និងស៊ូដង់ ហើយរដ្ឋាភិបាលប្រទេសនេះគិតថា បើនៅតែបន្តទទួលជនផ្លាស់ទីលំនៅទៀតនោះ អេហ្ស៊ីបអាចនឹងរងបន្ទុកហិរញ្ញវត្ថុមួយកម្រិតទៀត៕
None
