នេះបើតាមការចុះផ្សាយរបស់សារព័ត៌មាន ASIAONE ដែលស្រង់សម្ដីរដ្ឋមន្ត្រីក្រសួងឧស្សាហកម្មថៃ លោក អ៊ុតាម៉ា សាវណាយ៉ាណា។
លោករដ្ឋមន្ត្រីឧស្សាហកម្មថៃ មានប្រសាសន៍ថា ក្រុមហ៊ុន Alibaba Group នៅចាប់អារម្មណ៍ប្រទេសថៃនៅឡើយ ហើយរំពឹងថា បញ្ចប់ផែនការវិនិយោគរបស់ខ្លួននៅមុនដំណាច់ឆ្នាំនេះ។
ក្រុមហ៊ុន Alibaba Group មានគម្រោងប្រើប្រាស់ប្រទេសថៃ ដែលមានទីផ្សារអ្នកប្រើប្រាស់ដ៏ធំ ជាមជ្ឈមណ្ឌលពាណិជ្ជកម្មអនឡាញ និងជាមូលដ្ឋានសម្រាប់ការចែកចាយផលិតផលទៅដល់ប្រទេសកម្ពុជា ឡាវ មីយ៉ាន់ម៉ា និងវៀតណាម។
សព្វថ្ងៃ ក្រុមហ៊ុន Alibaba បានបើកសាខាធំមួយនៅក្នុងប្រទេសម៉ាឡេស៊ីរួចហើយ ប៉ុន្តែ រដ្ឋមន្ត្រីឧស្សាហកម្មថៃ អះអាងថា ការិយាល័យ Alibaba នៅម៉ាឡេស៊ី នឹងផ្ដោតលើទំនាក់ទំនងពាណិជ្ជកម្មរវាងម៉ាឡេស៊ី និងចិន។
ប៉ុន្តែ ទោះយ៉ាងណា នេះជាការអះអាងរបស់ប្រទេសថៃ ដោយមិនទាន់មានការបញ្ជាក់ជាផ្លូវការណាមួយអំពីការសម្រេចថា វិនិយោគនៅប្រទេសថៃ ឬយ៉ាងណា ពីសំណាក់ក្រុមហ៊ុន Alibaba Group នៅឡើយ៕
