វៀតណាមនឹងលើកពន្ធលើតម្លៃបន្ថែមចំពោះអាជីវកម្មខ្នាតតូចដែលមានចំណូលក្រោម៨ពាន់ដុល្លារក្នុង១ឆ្នាំ
អាជ្ញាធរវៀតណាម បានប្រកាសថា ចាប់ពីឆ្នាំ២០២៦ តទៅ អាជីវកម្មខ្នាតតូចដែលមានប្រាក់ចំណូលក្រោម៨ពាន់ដុល្លារនៅក្នុងមួយឆ្នាំ នឹងត្រូវបានលើកលែងពីពន្…
ប្រភពច្បាស់ការបានទម្លាយឱ្យដឹងកាលពីថ្ងៃទី២៧ ខែវិច្ឆិកា ថា មូលនិធិ Vision Fund 2 នៃក្រុមហ៊ុនវិនិយោគបច្ចេកវិទ្យាជប៉ុន SoftBank Group គ្រោងជះលុយរហូតដល់ទៅ១,៥ពាន់លានដុល្លារអាម៉េរិក ដើម្បីទិញយកភាគហ៊ុនបន្ថែមទៀតរបស់ក្រុមហ៊ុនអាម៉េរិក OpenAI ដែលជាក្រុមហ៊ុនស្រាវជ្រាវ និងអភិវឌ្ឍន៍បច្ចេកវិទ្យា AI ឈានមុខគេក្នុងពិភពលោក។
យោងតាមសេចក្ដីរាយការណ៍ឱ្យដឹងថា ក្រុមហ៊ុន OpenAI បានទទួលយកសំណើសុំទិញរបស់ក្រុមហ៊ុន SoftBank រួចហើយ ដោយអនុញ្ញាតឱ្យបុគ្គលិករបស់ខ្លួនលក់ភាគហ៊ុនរបស់ពួកគេឱ្យវិនិយោគិនជប៉ុន នេះ ប្រសិនបើពួកគេចង់។
ក្រុមហ៊ុន SoftBank បានទិញភាគហ៊ុនចំនួន៥០០លានដុល្លារអាម៉េរិក រួចមកហើយកាលពីអំឡុងខែតុលា តាមរយៈមូលនិធិ Vision Fund របស់ខ្លួន។
ក្រុមហ៊ុន SoftBank មានគោលបំណងពង្រីកការវិនិយោគលើបច្ចេកវិទ្យា AI ដែលជាផ្នែកមួយនៃគោលដៅសម្រេចឱ្យបាននូវបច្ចេកវិទ្យាបញ្ញាសិប្បនិម្មិត SuperAI ដែលមានភាពឆ្លាតវៃជាងមនុស្សរហូតដល់ទៅ១ម៉ឺនដងឯណោះ។
ក្រុមហ៊ុន OpenAI កាលពីអំឡុងខែកញ្ញា បានបង្ហាញគំរូបច្ចេកវិទ្យាបញ្ញាសិប្បនិម្មិត AI ថ្មីរបស់ខ្លួនមានឈ្មោះថា OpenAI o1។ ប្រធាន និងនាយកប្រតិបត្តិក្រុមហ៊ុន SoftBank លោក ម៉ាសាយ៉ូស៊ី សុន (Masayoshi Son) បានថ្លែងក្នុងសន្និសីទ SoftBank World 2024 កាលពីខែមុនថា គំរូបច្ចេកវិទ្យា OpenAI o1 មានសមត្ថភាពគិត និងវិភាគខ្លាំងជាង AI ជំនាន់មុន៕
ដោយ: តែម សុខុម
