តើប្រទេសណាខ្លះទទួលរងផលប៉ះពាល់សេដ្ឋកិច្ចធ្ងន់ធ្ងរជាងគេបំផុតពីសង្គ្រាមនៅមជ្ឈិមបូព៌ា?
សង្គ្រាមនៅមជ្ឈិមបូព៌ាកំពុងជះផលប៉ះពាល់យ៉ាងខ្លាំងដល់សេដ្ឋកិច្ចប្រទេសនានា ក្រោយសង្គ្រាមនេះធ្វើឱ្យរាំងស្ទះដល់ការផ្គត់ផ្គង់ថាមពល និងជំរុញឱ្យតម្លៃប្…
យោងតាមការចុះផ្សាយរបស់សារព័ត៌មាន Laotian Times ក្រសួងអប់រំ និងកីឡារបស់ប្រទេសឡាវ បានចេញសេចក្តីណែនាំកាលពីថ្ងៃទី២០ ខែមីនា ដោយអំពាវនាវដល់សិស្សានុសិស្ស អាណាព្យាបាល និងគ្រូបង្រៀន ឱ្យកាត់បន្ថយការប្រើប្រាស់យានយន្តផ្ទាល់ខ្លួន ដែលស៊ីប្រេងខ្លាំង។ ការដាក់ចេញវិធានការនេះ គឺដើម្បីគ្រប់គ្រងហានិភ័យ នៃវិបត្តិថាមពល ដែលកំពុងយាយីដល់ជីវភាពរស់នៅរបស់ប្រជាជនទូទាំងប្រទេសឡាវ។ ក្នុងសេចក្តីណែនាំនោះ ក្រសួងបានលើកទឹកចិត្តឱ្យសិស្សានុសិស្សជិះកង់សម្រាប់សិស្ស ដែលមានលំនៅឋានក្បែរសាលារៀន និងប្រើប្រាស់មធ្យោបាយសាធារណៈដូចជាជិះរថយន្តក្រុង ឬប្រើប្រាស់យានយន្តអគ្គិសនី (EV) ជាដើម។
ការចេញសេចក្តីណែនាំថ្មីនេះ បានកើតឡើងបន្ទាប់ពីរដ្ឋាភិបាលឡាវ សម្រេចឱ្យសាលាមត្តេយ្យ សាលាចំណេះដឹងទូទៅ និងសាលាវិជ្ជាជីវៈ បើកដំណើរការឡើងវិញជាប្រក្រតី៥ថ្ងៃក្នុងមួយសប្តាហ៍ឡើងវិញ។ ការសម្រេចចិត្តនេះ គឺជាការផ្លាស់ប្តូរយ៉ាងទាន់ហន់ ក្រោយពេលរដ្ឋាភិបាលទើបតែបានប្រកាសកាត់បន្ថយថ្ងៃរៀនកាលពីថ្ងៃទី១៩ ខែមីនា ប៉ុន្តែត្រូវបានលុបចោលវិញនៅថ្ងៃបន្ទាប់សម្រាប់កម្រិតបឋមសិក្សា។
ដោយឡែក សម្រាប់គ្រឹះស្ថានឧត្តមសិក្សារួមមាន វិទ្យាល័យ និងមហាវិទ្យាល័យ មិនមានការផ្លាស់ប្តូរឡើយ ពោលគឺនៅតែបន្តអនុវត្តកាលវិភាគកាត់បន្ថយដដែល ដោយតម្រូវឱ្យរៀនផ្ទាល់ត្រឹមតែ៣ថ្ងៃក្នុងមួយសប្តាហ៍។ គោលនយោបាយថ្មីនេះ នឹងចាប់ផ្តើមអនុវត្តជាផ្លូវការចាប់ពីខែមេសា ឆ្នាំ២០២៦ ខាងមុខនេះតទៅ៕
អត្ថបទៈ សួន ឡង់ទី
