អ្នកជំងឺកូវីដ-១៩ ស្លាប់៥នាក់ទៀតហើយ ខណៈដែលអ្នកឆ្លងថ្មីមាន ៣០៣នាក់!

នៅព្រឹកថ្ងៃទី២១ ខែមេសា ឆ្នាំ២០២១នេះ ក្រសួងសុខាភិបាលកម្ពុជា បានចេញសេចក្តីប្រកាសព័ត៌មានពីការរកឃើញអ្នកឆ្លងជំងឺកូវីដ-១៩ចំនួន ៣០៣នាក់បន្ថែមទៀត ខណៈអ្នកជាសះស្បើយមានចំនួន២៣៩នាក់ និងមានករណីស្លាប់ចំនួន ០៥នាក់ ។

យោងតាមសេចក្តីប្រកាសព័ត៌មានរបស់ក្រសួងសុខាភិបាលបានឲ្យដឹងទៀតថា ក្នុងចំណោមអ្នកវិជ្ជមានកូវីដ-១៩ទាំង ៣០៣នាក់នោះ សុទ្ធសឹងជាងអ្នកពាក់ព័ន្ធនឹងករណីឆ្លងក្នុងសហគមន៍នៃ «ព្រឹត្តិការណ៍សគមន៍២០កុម្ភៈ» ។ នៅក្នុងនោះដែរ មាន ២៤៨នាក់ ជាអ្នករស់នៅរាជធានីភ្នំពេញ ក្រៅពីនេះ មាននៅខេត្តព្រះសីហនុ១៩នាក់,នៅខេត្តកណ្តាល២៦នាក់,កំពត០២នាក់, និងតាកែវ ០៨នាក់។

ក្រៅពីនេះ ក៏មានអ្នកជាសះស្បើយមានចំនួន ២៣៩នាក់ ដែលតម្រូវឲ្យចេញពីមន្ទីរពេទ្យ ហើយបន្តធ្វើចត្តាឡីស័កនៅផ្ទះ១៤ថ្ងៃបន្ថែមទៀតដោយខ្លួនឯង។ ដោយឡែក ចំពោះអ្នកស្លាប់ ០៥នាក់នោះរួមមាន បុរសជនខ្មែរ២រូប និងស្ត្រីជនជាតិខ្មែរ០៣នាក់ ដោយ០១នាក់នៅខេត្តកណ្តាល ០១នាក់នៅខេត្តព្រះសីហនុ និង០៣នាក់នៅរាជធានីភ្នំពេញ។

សូមបញ្ជាក់ដែរថា គិតត្រឹមថ្ងៃទី២១ ខែមេសា ឆ្នាំ២០២១នេះ កម្ពុជាបានរកឃើញអ្នកឆ្លងកូវីដ១៩ សរុបចំនួន ៧.៧៤៧នាក់ ក្នុងនោះអ្នកជាសះស្បើយចំនួន ២.៧៩៤នាក់, អ្នកកំពុងសម្រាកព្យាបាលជំងឺ ចំនួន ៤.៨៩៣នាក់ និងស្លាប់បាត់បង់ជីវិតចំនួន ៥៤នាក់៕