នៅក្នុងរបាយការណ៍បានបង្ហាញទៀតថា ការនាំចញទំនិញពីកម្ពុជាទៅកាន់បណ្តាប្រទេសនានា នៅក្នុងត្រីមាសទី១ ឆ្នាំ២០២០នេះ មានទំហំទឹកប្រាក់ប្រមាណជាង ៣,៥ពាន់លានដុល្លារអាមេរិក មានការកើនឡើងប្រមាណជិត១២% បើធៀបនឹងរយៈពេលដូចគ្នា កាលពីឆ្នាំ២០១៩។ ដោយឡែកសម្រាប់ការនាំចូលទំនិញមកកាន់កម្ពុជា នៅក្នុងត្រីមាសទី១ ឆ្នាំ២០២០នេះវិញ ក៏មានការកើនឡើងដែរ ដោយមានទំហំទឹកប្រាក់ជាង ៥ពាន់ដុល្លារអាមេរិក កើនឡើងជិត១៥% បើធៀបនឹងរយៈពេលដូចគ្នាក្នុងឆ្នាំ២០១៩។
បើមើលទៅលើការនាំចេញប្រចាំខែវិញ ចំពោះខែមករា ការនាំចេញមានទំហំទឹកប្រាក់ប្រមាណជាង ១,៣ពាន់លានដុល្លារអាមេរិក កើនឡើងជាង ២៧%។
រីឯ ការនាំចេញខែកុម្ភៈ មានទំហំទឹកប្រាក់ជាង ១,២ពាន់លានដុល្លារអាមេរិក កើនឡើងជិត២៤% នៅគ្រាដែលការនាំចេញក្នុងខែមីនា មានទំហំទឹកប្រាក់ជិត ១ពាន់លានដុល្លារអាមរិក មានការថយចុះប្រមាណជាង ១២%វិញ។
អត្ថបទគួរអាន
ចំពោះការនាំទំនិញចូលទំនិញប្រចាំខែវិញ ឃើញថានៅក្នុងខែមករា មានទំហំទឺកប្រាក់ជិត ២ពាន់លានដុល្លារអាមេរិក កើនឡើងជាង២២% ស្របពេលដែល ការនាំចូលក្នុងខែកុម្ភៈ មានទំហំទឹកប្រាក់ជាង ១,៥ពាន់លានដុល្លារអាមេរិក កើនឡើងជិត ២០%។ រីឯ ការនាំចូលក្នុងខែមីនា មានទំហំទឹកប្រាក់ជិត ១,៦ពាន់លានដុល្លារអាមេរិក កើនឡើងជិត៤% ។
សូមជម្រាបថា ទំនិញដែលកម្ពុជានាំចេញទៅក្រៅប្រទេស រួមមានដូចជា ផលិតកសិកម្មរួមមាន អង្ករ ដំឡូងមី គ្រាប់ស្វាយចន្ទី គ្រាប់ពោត ចេកអំបូងលឿង ស្វាយ និងម្រេច ជាដើម។ ក្រៅពីនេះក៏មានផលិតផលឧស្សាហកម្មរួមមាន សម្លៀកបំពាក់ ស្បែកជើង និងកាបូប រួមជាមួយនឹងផលិតផលផ្សេងឺទៀត។ ដោយឡែក ទំនិញដែលកម្ពុជានាំចូលវិញរួមមានដូចជា គ្រឿងឧបភោគបរិភោគ គ្រឿងអេឡិចត្រូនិច យានយន្ដ ផលិតផលកសិកម្ម និងទំនិញជាច្រើនទៀត៕
None
