ប្រសិនបើសំណើនេះ ត្រូវបានអនុម័តមែន វ៉ាក់សាំងរបស់ក្រុមហ៊ុន Pfizer នឹងចាប់ផ្ដើមប្រើប្រាស់បាននៅប្រទេសជប៉ុន នៅដើមខែមីនាឆ្នាំក្រោយនេះ។ ប្រទេសជប៉ុន បានសម្រេចទទួលយកថ្នាំវ៉ាក់សាំង ពីក្រុមហ៊ុន Pfizer ដើម្បីបានការផ្គត់ផ្គង់១២០លានដូស សម្រាប់ប្រើប្រាស់ចាក់ជូនប្រជាជន៦០លាននាក់ ពោលគឺមានប្រមាណពាក់កណ្ដាលនៃចំនួនប្រជាជនសរុបរបស់ប្រទេសនេះ។
លោក អាគីហ៊ីសា ហារ៉ាដា ប្រធានអង្គភាពក្រុមហ៊ុន Pfizer នៅប្រទេសជប៉ុន បាននិយាយថា នៅក្នុងករណីដែលក្រុមហ៊ុនទទួលបានការអនុម័តពីរដ្ឋាភិបាល នោះក្រុមហ៊ុននឹងធានាធ្វើយ៉ាងណាដឹកជញ្ជូនវ៉ាក់សាំងមកកាន់ប្រទេសជប៉ុន ឲ្យបានលឿនបំផុត និងដើរតួក្នុងការធ្វើឲ្យការរស់នៅក្នុងសង្គមវិលមករកភាពធម្មតាវិញ។
អត្ថបទទាក់ទង!
រាជរដ្ឋាភិបាលជប៉ុន គ្រោងនឹងស្នើសុំដល់សាលាក្រុងដើម្បីរៀបចំ កន្លែង និងស្ថាប័នវេជ្ជសាស្ត្រ ដើម្បីគ្រប់គ្រងវ៉ាក់សាំងទាំងអស់នោះផងដែរ។
សហរដ្ឋអាមេរិក និងអង់គ្លេស បានចាប់ផ្ដើមគ្រប់គ្រងប្រើប្រាស់ថ្នាំវ៉ាក់សាំងកូវីដ-១៩ ដែលផលិតដោយក្រុមហ៊ុន Pfizer និង ក្រុមហ៊ុនអាល្លឺម៉ង់ជាដៃគូ BioNTech ខណៈដែលប្រទេសសិង្ហបុរី និងប្រទេសមួយចំនួនទៀត ក៏រំពឹងនឹងធ្វើដូចគ្នានេះដែរ។
ប៉ុន្ដែ អ្វីដែលជាក្ដីព្រួយបារម្ភនោះ គឺសុវត្ថិភាពនៃថ្នាំវ៉ាក់សាំងនេះ ដោយសារតែអាជ្ញាធរអាមេរិក កាលពីថ្ងៃ ពុធ សប្ដាហ៍នេះ បាននិយាយថា បុគ្គលិកសុខាភិបាលម្នាក់ នៅក្នុងរដ្ឋអាឡាស្កា បានទទួលរងនូវប្រតិកម្ម អាឡែហ្ស៊ី ធ្ងន់ធ្ងរចំពោះវ៉ាក់សាំងនេះ ហើយហេតុការណ៍គឺមានសដៀងគ្នានឹងប្រតិកម្មអាឡែស៊ី របស់បុគ្គលិកសុខាភិបាលផ្សេងទៀត នៅក្នុងប្រទេសអង់គ្លេសដែរ។
វ៉ាក់សាំងកូវីដ-១៩ របស់ក្រុមហ៊ុន Pfizer-BioNTech ត្រូវបានគេដឹងថា មានប្រសិទ្ធភាពខ្ពស់ដល់ទៅ ៩៥% ប៉ុន្ដែ វាចាំបាច់ត្រូវការរក្សាទុកនៅទូរត្រជាក់ដែលមានសីតុណ្ហភាពដល់ទៅ ដក ៧៥ អង្សាសេ និងអាចគ្រប់គ្រងប្រើប្រាស់បានរយៈពេល ១០ថ្ងៃ៕
None
