នាយករដ្ឋមន្ត្រីថា កម្ពុជាមិនទាន់ពឹងផ្អែកលើវិស័យប្រេងបានទេ

បើតាមសម្តេច ហ៊ុន សែន ក្នុងបរិការណ៍ដែលប្រេងមានតំលៃ ៥៥ដុល្លារក្នុងមួយបារ៉ែល កម្ពុជាអាចនឹងទាញចំណូលបានជិត៣០លានដុល្លារប៉ុណ្ណោះក្នុងមួយឆ្នាំ ដែលនេះជាចំនួនតិចតួច បើធៀបនឹងចំណូលមិនមែនសារពើពន្ធដែលទទួលបានពីតម្លៃទិដ្ឋការនៃភ្ញៀវទេសចរណ៍ទៅទៀត។ 

បើតាមសម្តេចតេជោ ហ៊ុន សែន រាប់ចាប់តាំងពីថ្ងៃដំបូងដែលកម្ពុជាទទួលបានដំណក់ប្រេង របស់ខ្លួន រហូតដល់ដើមខែកុម្ភៈឆ្នាំ២០២១នេះ អណ្តូងប្រេងទី១ឈ្មោះ AO1D ផលិតបានប្រេងចំនួន ៤ម៉ឺនបារ៉ែលហើយ ចំណែកឯអណ្តូងទី២ ទើបនឹងដំណើរការបានមួយរយៈ ពោលគឺទើបនឹងទទួលបានប្រេងចំនួន ២៦៨បារ៉ែលប៉ុណ្ណោះ។ សរុបក្នុងអណ្តូងប្រេងទាំង២ កម្ពុជាទទួលបានប្រេង ចំនួនជាង ៤ម៉ឺន១ពាន់បារ៉ែលហើយ។

បន្ថែមពីលើនេះ អណ្តូងប្រេងទី៣ ទី៤ និងទី៥ ក៏នឹងចាប់ផ្តើមដំណើរការជាបន្តបន្ទាប់ដែរ ក្នុងឆ្នាំ២០២១នេះ ដែលរដ្ឋាភិបាលបានប៉ាន់ប្រមាណថា កម្ពុជាអាចទទួលបានប្រេងរង្វង់ ៧ពាន់ទៅ ៧ពាន់៥រយបារ៉ែលក្នុងមួយថ្ងៃ ពីអណ្តូងប្រេងទាំង៥៕

សូមស្តាប់សេចក្តីរាយការណន៍បន្ថែមខាងក្រោម៖