ទស្សនវិស័យសេដ្ឋតំបន់អាស៊ានបូក៣ធ្លាក់ចុះ ខណៈសេដ្ឋកិច្ចចិនត្រូវបន្ទាបការព្យាករណ៍កាន់តែទាប
ព័ត៌មាន
•
វិបត្តិសង្គ្រាមនៅអ៊ុយក្រែន ការលំបាកផ្នែកសេដ្ឋកិច្ច ក្តីបារម្ភពីការធ្លាក់ចូលវិបត្តិសេដ្ឋកិច្ចនៅសហរដ្ឋអាមេរិក និងអឺរ៉ុប ទំនងក្លាយជាបន្ទុកមួយទៀ…
នៅក្នុងសារវីដេអូរយៈពេល៤នាទី លោកគីរីល ស្តេម៉ូសូវ (Kirill Stremousov) ជាអនុប្រធានគ្រប់គ្រងតំបន់ Kherson ដែលត្រូវបានលើកបន្ដុបដោយរុស្ស៊ីនោះ បានធ្វើការរិះគន់ជាសាធារណៈចំពោះ «ឧត្តមសេនីយ៍ និងរដ្ឋមន្ត្រីគ្រាក់ៗ» របស់ទីក្រុងម៉ូស្គូ ដែលខកខាន និងមិនយល់ពីស្ថានការជួរមុខនៃសមរភូមិអ៊ុយក្រែន។
បន្ទាប់ពីសង្គ្រាមអស់រយៈពេលជាងប្រាំពីរខែជាមួយទីក្រុងកៀវ គោលបំណងធំរបស់ម៉ូស្គូក្នុងការក្រសោបយករដ្ឋធានីកៀវមិនត្រឹមតែសម្រេចមិនបាននោះទេ ថែមទាំងទទួលបរាជ័យផ្ទួនៗ ដោយសារការវាយបកដោយកងកម្លាំងអ៊ុយក្រែនផងដែរ។ ការបរាជ័យនេះ បានជំរុញឲ្យលោក ពូទីន កាលពីខែកញ្ញា បង្ខំចិត្តធ្វើការកែនទ័ព៣សែននាក់បន្ថែមទៀត និងគំរាមប្រើនុយក្លេអ៊ែរជាបន្តបន្ទាប់។
លោក Stremousov ក្នុងអាយុ៤៥ឆ្នាំបាននិយាយថា «ជាការពិតណាស់ មនុស្សជាច្រើននិយាយថាប្រសិនបើពួកគេជារដ្ឋមន្ត្រីការពារជាតិ ដែលបានអនុញ្ញាតឱ្យមានស្ថានភាពបែបនេះកើតឡើង ពួកគេគួរតែបាញ់សម្លាប់ខ្លួនឯង ទើបវាប្រសើរជាង»។
មែនទែនទៅ ការប្រមាថជាសាធារណៈបែបនេះ ចំពោះមេទ័ពនិងជាមនុស្សជំនិតរបស់លោក ពូទីន គឺជារឿងកម្របំផុតនៅក្នុងប្រទេសរុស្ស៊ី ប៉ុន្តែការបរាជ័យជាបន្តបន្ទាប់នៅលើសមរភូមិក្នុងប្រទេសអ៊ុយក្រែនបានជំរុញឱ្យមន្ត្រីគ្រាក់ៗមួយចំនួនរបស់ខ្លួន បានស្តីបន្ទោស ព្រមទាំងទម្លាក់កំហុសទៅលើឧត្តមសេនីយ៍ និងមេទ័ពកំពូលរុស្ស៊ីយ៉ាងខ្លាំង។
ដោយឡែក មេដឹកនាំតំបន់ Chechen លោក Ramzan Kadyrov និង លោក ប្រីហ្កាហ្សីន (Yevgeny Prigozhin) និងជាអ្នកបង្កើតក្រុមទាហានស៊ីឈ្នួលវេកនើ (Wagner) ក៏បានចំអកលកលើយឱ្យពួកឧត្តមសេនីយ៍របស់លោក ពូទីនដែរ ដោយនិយាយថា យោធាម៉ូស្គូត្រូវបានប្រេះឆាដោយសារតែបក្សពួកនិយម ហើយមន្ត្រីជាន់ខ្ពស់ទាំងនោះគួរតែត្រូវបានដកហូតឋានៈ និងត្រូវបានបញ្ជូនទៅសមរភូមិជួរមុខដើម្បីចូលប្រយុទ្ធដោយផ្ទាល់ផងដែរ។
គួរជម្រាបដែរថា រដ្ឋមន្ត្រីក្រសួងការពារជាតិរុស្សី លោក Sergei Shoigu ដែលជាមនុស្សជំនិតបំផុតមួយរបស់លោក ពូទីន ត្រូវបានតែងតាំងក្នុងឆ្នាំ ២០១២។
ទោះជាយ៉ាងណា វាមិនច្បាស់ទេថា តើការរិះគន់កំពុងត្រូវបានគិតគួរពិចារណាពីសំណាក់លោក ពូទីន ដោយម្ខាងវាជាបញ្ហានៅក្នុងសង្គ្រាមជាមួយអ៊ុយក្រែន និងម្ខាងទៀតជាមិត្តយល់ចិត្តថ្លើមនឹងគ្នា ថាគួរតែដកលោក Shoigu ចេញពីដំណែងដោយសារការបរាជ័យយោធារបស់ខ្លួន ឬត្រូវទុកលោកដោយប្រថុយនឹងការស្តីបន្ទោសកាន់តែខ្លាំងនោះ។ ទោះយ៉ាងណា ក្រសួងការពារជាតិរុស្ស៊ីមិនបានឆ្លើយតបនឹងការរិះគន់ធ្ងន់ៗនេះទេ។
បន្ថែមពីនេះ អ្នកជាតិនិយមរុស្ស៊ីជាច្រើនបានចេញមុខរិះគន់លោក Shoigu និងឧត្តមសេនីយកំពូលរបស់លោកចំពោះអ្វីៗគ្រប់យ៉ាងដែលបណ្តាលឲ្យបរាជ័យ ចាប់ពីការរៀបចំផែនការច្បាំងមិនល្អ និងការដឹកជញ្ចូនអាវុធយុទ្ធភណ្ឌរាក់កំផែល រហូតដល់យុទ្ធសាស្ត្រសង្គ្រាមហួសសម័យ និងការបាត់បង់ព័ត៌មានក្នុងសមរភូមិជួរមុខជាដើម។
កាលពីសប្តាហ៍មុន ឧត្តមសេនីយចូលនិវត្តន៍ពីរនាក់ដែលបច្ចុប្បន្នកំពុងបម្រើការជាសមាជិកនៃរដ្ឋសភាជាន់ទាបរុស្សី (Duma) ក៏បានរិះគន់ដោយចោទប្រកាន់ក្រសួងការពារជាតិពីបទពុករលួយ និងភាពមិនស្មោះត្រង់ផងដែរ៕
