ហេតុអ្វីការចំណាយវិនិយោគគម្រោងខ្សែក្រវាត់ និងផ្លូវរបស់ចិនបានធ្លាក់ចុះនៅឆមាសទី១ឆ្នាំនេះ?
ការស្រាវជ្រាវថ្មីមួយបានឲ្យដឹងថា ការចំណាយហិរញ្ញវត្ថុ និងការវិនិយោគរបស់មហាយក្សចិនតាមរយៈគម្រោងខ្សែក្រវាត់និងផ្លូវ (Belt and Road)ដ៏ពោរពេញទ…
រុស្ស៊ីអះអាងថា មីស៊ីលដ៏ទំនើបរបស់ខ្លួនគឺសំដៅបំផ្លាញនាវាយោធារបស់អ៊ុយក្រែន និងគ្រាប់មីស៊ីល ដែលសហរដ្ឋអាមេរិកបញ្ជូនមកឱ្យអ៊ុយក្រែនប្រើនៅតំបន់អូដេសាតែប៉ុណ្ណោះ។
បើតាមសេចក្តីរាយការណ៍ចុងក្រោយពីយោធារបស់អ៊ុយក្រែន កាលពីចុងសប្តាហ៍មុនមានមីស៊ីលរុស្ស៊ី ៤គ្រាប់ធ្លាក់សំដៅកំពង់ផែអូដេសា ក្នុងនោះ២គ្រាប់បានធ្លាក់ចំគោលដៅ ខណៈពីរគ្រាប់ផ្សេងទៀត ត្រូវបាញ់កំទេចដោយ កងការពារដែនអាកាសអ៊ុយក្រែន។
វីដេអូថតដោយទូរសព្ទដៃ បង្ហោះព្រោងព្រាតលើបណ្តាញសង្គម បង្ហាញពីផ្សែងខ្មៅហុយឡើយទៅលើ ពាសពេញកំពង់ផែអូដេសា ខណៈអ្នកដែលនៅឃើញហេតុការណ៍ផ្ទាល់អះអាងថា ពួកគេបានលឺសម្លេងផ្ទុះដល់ទៅ៦ដង។
កាំជ្រួចជាបន្តបន្ទាប់ ដែលបានវាយប្រហារកំពង់ផែ Odesa ដ៏សំខាន់របស់អ៊ុយក្រែន មួយថ្ងៃបន្ទាប់ពីទីក្រុងម៉ូស្គូបានចុះហត្ថលេខាលើកិច្ចព្រមព្រៀងអនុញ្ញាតឱ្យទីក្រុង Kyiv បន្តការនាំចេញគ្រាប់ធញ្ញជាតិជាផ្នែកនៃកិច្ចខិតខំប្រឹងប្រែងដើម្បីកាត់បន្ថយវិបត្តិស្បៀងអាហារពិភពលោកដែលកំពុងកើនឡើង។
ដោយឡែក បើតាមការអះអាងពីអ្នកនាំពាក្យក្រសួងការបរទេសរុស្ស៊ី កាំជ្រួចមីស៊ីលដ៏ទំនើបរបស់ខ្លួនបានបំផ្លាញគោលដៅហេដ្ឋារចនាសម្ព័ន្ធយោធានៅក្នុងកំពង់ផែ ប្រកបដោយភាពជាក់លាក់បំផុត ហើយដែលបានធ្វើឱ្យលិចនាវាយោធារបស់អ៊ុយក្រែន ដែលចតស្ងៀមនៅទីនោះ។ ទីក្រុងម៉ូស្គូថា ការវាយប្រហារខាងលើ មិនបានសំដៅឃ្លាំងស្តុកគ្រាប់ធញ្ញជាតិឡើយ តែសំដៅលើនាវា និងឃ្លាំងស្តុកមីស៊ីលរបស់អ៊ុយក្រែន ដែលផ្តល់ឱ្យដោយអាមេរិកតែប៉ុណ្ណោះ។
គួររំឭកបន្តិចថា ការវាយប្រហារនេះបានកើតឡើងមិនដល់២៤ម៉ោងផង បន្ទាប់ពីរដ្ឋមន្ត្រីការពារជាតិរុស្ស៊ីបានចុះហត្ថលេខាលើកិច្ចព្រមព្រៀង ដែលសម្របសម្រួលដោយអង្គការសហប្រជាជាតិ និងប្រទេសទួរគី យល់ព្រមអនុញ្ញាតឱ្យទីក្រុងកៀវ នាំចេញគ្រាប់ធញ្ញជាតិរាប់លានតោនពីកំពង់ផែសមុទ្រខ្មៅរបស់ខ្លួន។ ភាគីអ៊ុយក្រែនបាននិយាយថា ការវាយប្រហារដោយគ្រាប់រ៉ុក្កែតនេះ គឺបានរំលោភលើកិច្ចព្រមព្រៀងបទឈប់បាញ់ និងការសន្យាមិនវាយប្រហារលើហេដ្ឋារចនាសម្ព័ន្ធនាំចេញគ្រាប់ធញ្ញជាតិ។ ទីក្រុងកៀវចាត់ទុកការបាញ់មីស៊ីលជាការបំផ្លាញលទ្ធភាពចរចានិងលទ្ធភាពស្រុះស្រួលគ្នាទៅថ្ងៃខាងមុខទៀត។
ទោះយ៉ាងណាសម្រាប់ភាគីអ៊ុយក្រែន ការនាំចេញនៅតែអាចប្រព្រឹត្តទៅបាន បើគិតលក្ខណៈបច្ចេកទេស ទោះកំពង់ផែរងការខូតខាត តែគេនៅតែបន្តរៀបចំវេចខ្ចប់សម្រាប់ធ្វើការនាំចេញ បានទៅតាមគម្រោងការដដែល៕
