នៅក្នុងវេទិការធុរកិច្ចកម្ពុជា-កូរ៉េឆ្នាំ២០២១ ដែលបានធ្វើឡើងនៅថ្ងៃទី១៦ ខែវិច្ឆិកានេះ នេះលោកជំទាវ ជ្រីង បុទុមរង្សី ឯកអគ្គរាជទូតនៃព្រះរាជាណាចក្រកម្ពុជាប្រចាំនៅប្រទេសកូរ៉េ បានមានប្រសាសន៏ថា សម្រាប់ការដាក់ចេញនូវច្បាប់វិនិយោគថ្មីរបស់កម្ពុជា និងការចុះហត្ថលេខាលើកិច្ចព្រមព្រៀងពាណិជ្ជកម្មសេរី និងវិនិយោគរវាងកម្ពុជា និងកូរ៉េខាងត្បូង នឹងកើនឡើងមួយកម្រិតទៀតដែលបានចូលរួមលើកកម្ពស់ការស្ដារសេដ្ឋកិច្ច-សង្គម ឡើងវិញក្រោយវិបត្តិកូវីដ-១៩។ ខណៈដែលកម្ពុជានិងកូរ៉េកំពុងតែស្ថិតក្នុងដំណើរការបើកសេដ្ឋកិច្ចជាសកលដែលបណ្ដាលមកពីការរាតត្បាតនៃជំងឺកូវីដ១៩ ដែលបានជះឥទ្ធិពលយ៉ាងខ្លាំងដល់សេដ្ឋកិច្ចប្រទេសទាំងពីរ។
អត្ថបទគួរអាន
ជាមួយគ្នានេះ ឯកឧត្តម ផាក ហឿង ឃីយុន (Park Heung-Kyeong) ឯកអគ្គរដ្ឋទូតកូរ៉េខាងត្បូងប្រចាំកម្ពុជាក៏បានលើកឡើងដែលថា ប្រទេសកម្ពុជាគឺជាដៃគូរពាណិជ្ជកម្មដែលបានជំរុញដល់ការនាំចេញ ហើយចាប់តាំងពីឆ្នាំ២០១៩ ការធ្វើពាណិជ្ជកម្មរវាងប្រទេសទាំងពីរសម្រេចបានទំហំជាង១ពាន់ដុល្លាអាមេរិក ខណៈដែលសាធារណៈរដ្ឋកូរ៉េជាអ្នកវិនិយោគធំជាងគេទី២នៅកម្ពុជា ដែលបានបណ្ដាក់ទុនសរុបជិត៧ពាន់លានដុល្លានៅរយៈពេលជាង២ទសវត្សន៍កន្លងមកនេះ។ ហើយចំពោះការលើកឡើងនូវច្បាប់ថ្មីនេះលោកពិតជាគាំទ្រយ៉ាងខ្លាំងនិងកិច្ចព្រមព្រៀងពាណិជ្ជកម្មសេរីរវាងកម្ពុជា និងសាធារណៈរដ្ឋកូរ៉េដែលបានធ្វើឲ្យប្រទេសទាំងពីរកាន់តែមានកំណើនសេដ្ឋកិច្ចខ្ពស់បន្ថែមទៀត តាមរយៈការលុបបំបាត់ការយកព័ន្ធត្រួតគ្នា និងពន្ធលើប្រាក់ចំណូល ការគេចវេសពន្ធ ការចៀសវាងពន្ធ ទំហំពាណិជ្ជកម្ម និងការវិនិយោគនេះផងដែរ។
សូមបញ្ជាក់ថា រយៈពេល ៩ខែ ក្នុងឆ្នាំ២០២១ ទំហំពាណិជ្ជកម្ម សរុបរវាងកម្ពុជា-កូរ៉េ មានជាង៥៧៨លានដុល្លារ។ ក្នុងនោះកម្ពុជា បាននាំចេញទៅកូរ៉េ ក្នុងទំហំទឹកប្រាក់ប្រមាណ ១៤៣លានដុល្លារ ខណៈ កម្ពុជា បាននាំចូលពីប្រទេសកូរ៉េ ក្នុងទំហំទឹកប្រាក់ ប្រមាណ ៤៣៤លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម កម្ពុជា ដែលផ្ដល់ឱ្យសារព័ត៌មានខេមបូណូមីស៕អត្ថបទ៖ ហួន ស្រីនីត
None
