សារព័ត៌មាន Reuters បានបញ្ជាក់ថា សំណង់អគារមជ្ឈមណ្ឌលនេះ គឺស្ថិតនៅក្នុងរដ្ឋធានីហានូយ ដែលនឹងត្រូវបញ្ចប់ការសាងសង់នៅចុងឆ្នាំ២០២២ខាងមុខ ហើយមជ្ឈមណ្ឌលនេះ នឹងមានតម្រូវការបុគ្គលិកបម្រើការប្រមាណ ចន្លោះពី ២២០០ ទៅ ៣០០០ នាក់។
ក្រុមហ៊ុន Samsung គឺជាក្រុមហ៊ុនវិនិយោគបរទេសធំបំផុតតែមួយនៅវៀតណាម ដែលមានទំហំវិនិយោគសរុប ១៧លានដុល្លារអាមេរិក។ នេះបើតាមការបញ្ជាក់របស់ក្រុមហ៊ុនបច្ចេកវិទ្យាយក្សមួយនេះ។
មជ្ឈមណ្ឌលដែលទើបចាប់ផ្ដើមសាងសង់នេះ គឺមានទំហំធំជាងគេបំផុត ក្នុងចំណោមមជ្ឈមណ្ឌលរបស់ក្រុមហ៊ុននេះ នៅក្នុងតំបន់អាស៊ីអាគ្នេយ៍ ហើយវានឹងពង្រីកបន្ថែមនូវសមត្ថភាពសិក្សាស្រាវជ្រាវ នៅក្នុងវិស័យដូចជា បញ្ញាសិប្បនិម្មិត (AI), Internet of Things, ការផ្ទុកទិន្នន័យខ្នាតធំ និងបណ្ដាញបច្ចេកវិទ្យា 5G ជាដើម។
អត្ថបទទាក់ទង!
រដ្ឋាភិបាលវៀតណាមនៅព្រឹកថ្ងៃចន្ទទី ០១ មីនា បានប្រកាសចាប់ផ្តើមការកសាងមជ្ឈមណ្ឌលស្រាវជ្រាវនិងអភិវឌ្ឍន៍។
ការនាំចេញផលិតផល ស្មាតហ្វូន និងគ្រឿងបន្លាស់របស់វៀតណាម គឺភាគច្រើនបំផុត ត្រូវបានផលិតដោយក្រុមហ៊ុនអេឡិចត្រូនិក Samsung ដែលមានកំណើន ៤,៤% កាលពីឆ្នាំមុន មានតម្លៃសរុប ៥១,៣៨ ពាន់លានដុល្លារ នេះបើតាមទិន្នន័យពីគយវៀតណាម៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
