លោកឧកញ៉ា លី សេងឃាង បានថ្លែងក្នុងសុន្ទរកថារបស់លោកថា ការចុះហត្ថលេខាលើអនុសារណៈយោគយល់គ្នានេះ ជាការសហការមួយដែលនឹងផ្តល់នូវអត្ថប្រយោជន៍ជាច្រើនដល់អតិថិជន ទាំងអតិថិជនថ្មី និងអតិថិជនចាស់ ឲ្យទទួលបាននូវកញ្ចប់ឥណទានគេហដ្ឋានពិសេសនិងងាយស្រួលដោយមិនតម្រូវឲ្យមានទ្រព្យធានារ និងមិនមានសេវាអនុម័តឥណទាន ទទួលបានអត្រាការប្រាក់ចាប់ពី០,៧០៨% ទទួលបានទំហំឥណទានរហូតដល់៩៥ ភាគរយនៃតំលៃផ្ទះ និងរយៈពេលបង់រហូតដល់២០ឆ្នាំ ជាមួយនឹងការអនុម័តឥណទានឆាប់រហ័ស។
អ្នកឧកញ៉ា លី ហួរ ក៏បានថ្លែងបញ្ជាក់បន្ថែមថា គោលបំណងនៃការសហការរវាងធនាគារ អេស ប៊ី អាយ លី ហួរ ម.ក និង ប៊ី អេស លេន អេន ហូម ខូអិលធីឌី និងអ៊ីស្ត លែន អេន ហូម ខូអិលធីឌី គឺជំរុញវិស័យសំណង់ ជាពិសេសសំណង់លំនៅដ្ឋាន និងជួយសំរួលបន្ទុករបស់ អ្នកអភិវឌ្ឍសំណង់លំនៅដ្ឋានឬម្ចាស់បុរី ក្នុងការគ្រប់គ្រងអតិថិជនដែលកំពុងបង់រំលស់ប្រចាំខែ អាចធ្វើការផ្ទេរកម្ចីទាំងនោះ មកធនាគារបាន។ អតិថិជនរបស់បុរី នឹងទទួលនូវការសងត្រឡប់មកវិញមានលក្ខណៈបត់បែន ដែលអតិថិជនអាចធ្វើការបង់ផ្តាច់កម្ចីជាមួយធនាគារក្នុងពេលណាក៏បាន ដោយគ្មានការពិន័យឡើយ។ លើសពីនេះអតិថិជន អាចទទួលបានកញ្ចប់ឥណទានបន្ថែមទៀតបានផងដែរ។
សូមបញ្ជាក់ផងដែរថានាពេលបច្ចុប្បន្ន ក្រុមហ៊ុនមានចំនួនជាង១០គំរោងកំពុងដំណើរការសាងសង់ ដែលមានទីតាំងនៅរាជធានីភ្នំពេញ ខេត្តកណ្តាល ខេត្តកំពត និងក្រុងព្រះសីហនុ។
អតិថិជនអាចធ្វើការទំនាក់ទំនងមកកាន់បុរីតាមរយៈលេខ០៦៩៤៥៥៥៥៥ សម្រាប់ព័ត៌មានបន្ថែម៕
