ការជួញដូរ ឧបករណ៍និស្សន្ទ គឺសំដៅដល់ការជួញដូរកិច្ចសន្យាលើគម្លាតថ្លៃ នៃឧបករណ៍ហិរញ្ញវត្ថុដើម ដែលចេញពីមូលបត្រកម្មសិទ្ធិ មូលបត្របំណុល សន្ទស្សន៍លោហៈធាតុមានតម្លៃ ប្រេងឆៅ ឧស្ម័នធម្មជាតិ និងរូបិយបណ្ណជាដើម។
ថ្លែងក្នុងពិធីសម្ពោធ និងទទួលបានអជ្ញាពន្ណក្រុមហ៊ុន សមភាគីកណ្ដាល របស់ក្រុមហ៊ុន គ្លូប៊ល លីឃ្វីឌីធី អ៊ិកឆេង កាលពីពេលថ្មីៗនេះ ឯកឧត្តម ស៊ូ សុជាតិ អគ្គនាយកនៃគណៈកម្មការមូលបត្រកម្ពុជា បានលើកឡើងថា ទំហំវិនិយោគក្នុងទីផ្សារឧបករណ៍និស្សន្ទ នៅក្នុងឆ្នាំ២០១៩ បានកើនឡើងគួរឲ្យកត់សម្គាល់។ តួយ៉ាង បើគិតមកត្រឹមខែតុលាឆ្នាំ២០១៩ ទំហំវិនិយោគនេះ បានកើនឡើងលើសព ១០០ លានដុល្លារអាមេរិកហើយ ខណៈដែលកាលពីឆ្នាំ២០១៨កន្លងទៅ ទំហំនៃការវិនិយោគ ឧបករណ៍និស្សន្ទ បានកើនឡើងរហូតដល់ទៅ ៨២លានដុល្លារអាមេរិក កើនឡើងពីប្រមាណ ៤លានដុល្លារអាមេរិក កាលពីឆ្នាំ២០១៧ ពោលគឺបើគិតជាភាគរយ គឺកើនឡើង ២ពាន់ភាគរយឯណោះ។
អត្ថបទទាក់ទង!
លោក សៅ វ៉ន នាយកផ្នែលក់ ក្រុមហ៊ុន សមភាគីកណ្ដាល GLX បានឲ្យដឹងថា ការវិនិយោគលើឧបករណ៍និស្សន្ទគឺជាការវិនិយោគបែបថ្មីមួយ ដែលទាមទារឲ្យអ្នកវិនិយោគត្រូវការមានចំណេះដឹង និងតាមដាននិន្នាការសេដ្ឋកិច្ច និងទីផ្សារ។ ពិសេសគឺការជ្រើសរើសវិនិយោគជាមួយក្រុមហ៊ុនដែលមានអាជ្ញាបណ្ណត្រឹមត្រូវពីអាជ្ញាធរ គឺជាកត្តាចាំបាច់បំផុត។
បើតាមការគូសបញ្ជាក់របស់ឯកឧត្តម ស៊ូ សុជាតិ បច្ចុប្បន្នគណៈកម្មការមូលបត្រកម្ពុជា បានផ្ដល់អាជ្ញាបណ្ណដល់ក្រុមហ៊ុនចំនួន៥ ដើម្បីធ្វើអាជីវកម្មជាក្រុមហ៊ុនសមភាគីកណ្ដាល និងក្រុមហ៊ុនចំនួន៣០ ដើម្បីធ្វើអាជីវកម្មជាឈ្មួញកណ្ដាលជើងសាឧបករណ៍និស្សន្ទនេះ៕
None
