ក្រោយលោក ត្រាំ ចាកចេញ លោក ពូទីន ត្រៀមហោះទៅក្រុងប៉េកាំង ដើម្បីពង្រឹងសម្ព័ន្ធភាពដែកថែប
មេដឹកនាំរុស្ស៊ីលោក វ្ល៉ាឌីមៀរ ពូទីន គ្រោងនឹងធ្វើដំណើរទៅកាន់ទីក្រុងប៉េកាំងនៅថ្ងៃទី២០ ខែឧសភា ខាងមុខនេះ ពោលគឺត្រឹមតែ៥ថ្ងៃប៉ុណ្ណោះ បន្ទាប់…
លោកបណ្ឌិត យង់ ពៅ អ្នកជំនាញវិទ្យាសាស្រ្តនយោបាយបានលើកឡើងថា ចេតនារបស់ភាគីថៃនាពេលនេះហាក់កំពុងព្យាយាមអូសទាញកម្ពុជាឱ្យធ្លាក់ចូលក្នុងអន្ទាក់សង្គ្រាមជាថ្មីម្ដងទៀត តាមរយៈការទម្លាក់កំហុសជាបន្តបន្ទាប់ ដើម្បីបង្កើតលេសក្នុងការប្រើប្រាស់កម្លាំងយោធា ទោះបីជាមានកិច្ចព្រមព្រៀងបទឈប់បាញ់ក៏ដោយ។ អ្នកជំនាញរូបនេះកត់សម្គាល់ថា ភាពបរាជ័យក្នុងការដោះស្រាយវិបត្តិសេដ្ឋកិច្ចផ្ទៃក្នុង និងភាពចម្រូងចម្រាសជុំវិញការចង់លុបចោលអនុស្សរណៈយោគយល់គ្នា (MoU) គឺជាកត្តាជំរុញឱ្យយោធាថៃបង្កហេតុនៅតាមព្រំដែន។ អ្នកជំនាញរូបនេះបានសង្កត់ធ្ងន់ថា កម្ពុជាត្រូវតែត្រៀមលក្ខណៈឱ្យបានហ្មត់ចត់លើ៣ផ្នែកធំៗរួមមានផ្លូវច្បាប់អន្តរជាតិ កម្លាំងការពារជាតិ និងយុទ្ធសាស្ត្រការទូត។
ជាមួយគ្នានេះលោក យង់ គិមអេង ប្រធានមជ្ឈមណ្ឌលប្រជាពលរដ្ឋដើម្បីអភិវឌ្ឍន៍ និងសន្តិភាពសង្កេតឃើញថា ក្រុមជ្រុលនិយមក្នុងប្រទេសថៃតែងតែបំផុសគំនិតចង់ឈ្លានពានទឹកដីកម្ពុជានៅពេលដែលពួកគេមើលឃើញឱកាស ឬចង់ផ្គាប់ចិត្តចរន្តជាតិនិយមជ្រុលក្នុងស្រុក។ លោកយល់ថា កម្ពុជាត្រូវតែពង្រឹងសាមគ្គីភាពផ្ទៃក្នុងឱ្យបានរឹងមាំ និងកសាងសមត្ថភាពការពារជាតិឱ្យកាន់តែខ្លាំងក្លា ដើម្បីរក្សាសុវត្ថិភាពព្រំដែន និងការពារអធិបតេយ្យភាពជាតិនៅលើឆាកអន្តរជាតិ។
គួររំលឹកថា កាលពីថ្ងៃទី១៥ ខែឧសភា ក្រសួងការពារជាតិកម្ពុជាបានចេញមកប្រកាសច្រានចោលយ៉ាងដាច់អហង្ការ ចំពោះការចុះផ្សាយរបស់សារព័ត៌មានថៃមួយចំនួន ដែលចោទប្រកាន់ថា កងកម្លាំងកម្ពុជាបានបាញ់កាំភ្លើង M79 ចូលទីតាំងយោធាថៃនៅតំបន់វាលឥន្ទ្រី ក្នុងខេត្តព្រះវិហារ។ កម្ពុជាចាត់ទុកថា នេះគឺជាយុទ្ធនាការផ្សព្វផ្សាយព័ត៌មានមិនពិត ក្នុងចេតនាអាក្រក់ដើម្បីបំផ្លាញសន្តិភាព និងស្ថិរភាពនៅតាមបន្ទាត់ព្រំដែន នៃប្រទេសទាំងពីរតែប៉ុណ្ណោះ៕
អត្ថបទដោយ៖ ជា ម៉ារ៉ា
