Advertisement
ទីផ្សារកៅស៊ូថៃ

ការនាំចេញជ័រកៅស៊ូ ថៃកំពុងជួបគ្រោះដោយសារសង្គ្រាមពាណិជ្ជកម្មអាមេរិក និង ចិន


ការនាំចេញជ័រកៅស៊ូប្រទេសថៃកំពុងជួបការរងគ្រោះ ដោយសារតែសង្គ្រាមពាណិជ្ជកម្មរវាងអាមេរិក និង ចិន មិនទាន់បញ្ចប់ ហើយរិតតែពុះកញ្ជ្រោលថែមទៀតនោះ កំណើនលូតលាស់នៃការនាំចេញរបស់ប្រទេសថៃ បានថយចុះស្ទើរតែពាក់កណ្តាល ដោយសារតែ តម្រូវការពីទីផ្សារសកលលោក កាន់តែថមថយចុះ ហើយសង្គ្រាមនេះ បានដាក់សម្ពាធកាន់តែខ្លាំងទៅលើ ការនាំចេញផលិតផលកៅស៊ូថៃ ដែលត្រូវបានគេចាត់ទុកជា មាស ស នោះ។
កម្មករកំពុងធ្វើការក្នុងរោងចក្រកែច្នៃកៅស៊ូ ក្នុងប្រទេសថៃ (http://www.thanhniennews.com)
ដោយ
Advertisement

ប្រទេសថៃ ដែលជា​ប្រទេស​ផលិតកៅស៊ូច្រើនជាងគេ​បំផុត​លើពិភពលោក កំពុងតែឆ្លង​កាត់ពេលវេលា​ដ៏ពិបាក​បំផុត គឺនៅស្ងៀម និងរង់ចាំសម្រាប់​ការនាំចេញកៅស៊ូ ដោយសារតែ​ទីផ្សារកៅ​ស៊ូ​ធម្មជាតិ រងផលប៉ះទង្គិច​ដ៏ជូរចត់ពី សង្គ្រាម​ពាណិជ្ជកម្មរបស់​ប្រទេស​មហាអំណាច​ពិភពលោក​អាមេរិក និងចិន។

តម្រូវការផលិតផល​កៅស៊ូពី ប្រទេស​ចិន បានធ្លាក់ចុះជាង​ ១០ភាគរយ ធៀបនឹងឆ្នាំមុន ដោយសារតែ បញ្ហា​តម្លើងពន្ធ ដែលធ្វើឲ្យ​តម្លៃកៅស៊ូថៃ ធ្លាក់ចុះយ៉ាង​ខ្លាំង ព្រោះ ​កៅស៊ូក្រែប​ថៃ ភាគច្រើនគឺ សម្រាប់​នាំចេញទៅចិន សម្រាប់​កែច្នៃជាង កង់ឡាន​ និងស្រោម​ដៃ​ជាដើម។

លោក កូរ៉ាកុដ គីធីប៉ុល នាយកផ្នែកទីផ្សារ​នៃក្រុមហ៊ុនកៅស៊ូ ថៃ ហួរ បានបញ្ជាក់​ឲ្យដឹងថា កាលពីមុន តម្លៃកៅស៊ូ ឡើងខ្ពស់​បំផុតដល់ទៅ ៧ពាន់ដុល្លារ ក្នុងមួយតោន ក៏ប៉ុន្តែបច្ចុប្បន្ននេះ គឺនៅត្រឹមតែ ១ពាន់ ៨រយដុល្លារ ក្នុងមួយតោន ប៉ុណ្ណោះ។

លោកបន្តថា បើសិនជា ប្រទេសចិន មានបញ្ហា នោះបញ្ហា​នឹងជះឥទ្ធិពល​មកដល់ ប្រទេសថៃដែរ។

កាលពីពាក់កណ្តាល ខែ ឧសភា នេះ ប្រទេសថៃ គ្រោងនឹង​កាត់បន្ថយ ការនំាចេញ​កៅស៊ូរហូតដល់ទៅ ១២ម៉ឺនតោន សម្រាប់រយៈ​ពេល ៤ខែ បន្ទាប់ពីមាន​ការពន្យារ​ពេលរង់ចាំ ការអនុវត្តកិច្ច​ព្រមព្រៀង​កាត់បន្ថយការ​ផ្គត់ផ្គង់​កៅស៊ូ ជាមួយនឹង​ប្រទេស​ឥណ្ឌូនេស៊ី និងប្រទេសម៉ាឡេស៊ី។ នេះបើតាមការ​បញ្ជាក់ពី អាជ្ញាធរកៅស៊ូថៃ។

ប្រទេសទាំង ៣​ ខាងលើនេះ គឺផលិត​កៅស៊ូជាង ៧០ភាគរយឯណោះ នៃផលិតកម្ម​កៅស៊ូទូទាំងសកល​លោក ហើយពួកគេ​សម្រេច​កាត់បន្ថយ​ការនាំចេញ​ប្រមាណ ២៤ម៉ឺនតោន ដើម្បីជួយ​ស្រោចស្រង់​ដល់ តម្លៃកៅស៊ូ។

ក្រុមប្រទេសទាំង ៣ ក៏បានព្រម​ព្រៀងគ្នាថា បើសិនជា​ មិនអាចស្រោចស្រង់​ស្ថានការណ៍​លំបាកបានទេ ពួកគេ នឹងផ្លាស់ប្តូរ​វិធានការ​ថ្មីទៀត ព្រោះពួកគេមិនអាច​ផ្តោតទៅលើ ការនាំចេញកៅស៊ូ តែមួយមុខ​នោះទេ គឺត្រូវពង្រីក​ការប្រើប្រាស់​កៅស៊ូ ក្នុងស្រុក ឲ្យបាន​កាន់តែច្រើន។

ទោះបីជាយ៉ាងណាក៏ដោយ និន្នាការ​ថយចុះនេះ មិនមែន​ប៉ះពាល់តែ វិស័យកៅស៊ូនោះទេ គឺប៉ះពាល់ដល់ វិស័យ​ឧស្សាហកម្ម​ថែមទៀតផង ដូចជា ការនាំចេញ​គ្រឿងបង្គុំ​កុំព្យូទ័រ ធ្លាក់ចុះ ១០ភាគរយ គ្រឿងបង្គុំ​យានយន្ត ធ្លាក់ចុះ ៤ភាគរយ និងគ្រឿង​ម៉ាស៊ីន ធ្លាក់ចុះ ១២ភាគរយ។

​គួរជម្រាបដែរថា សង្គ្រាម​ពាណិជ្ជកម្ម​រវាងមហាអំណាច​សេដ្ឋកិច្ច អាមេរិក និងចិន បានធ្វើឱ្យ ប្រទេសថៃ ខាតបង់ចំណូលពី ការនាំចេញជាង ៧៨០​លានដុល្លារ​អាមេរិក ក្នុងមួយឆ្នាំ គិតចាប់​ពីខែមីនា ឆ្នាំ ២០១៨ ដល់ខែមីនា ឆ្នាំ ២០១៩នេះ។ នេះបើយោងតាម​ការបញ្ជាក់ពី ក្រសួងពាណិជ្ជកម្មថៃ។

ការនាំចេញទៅកាន់​សហរដ្ឋអាមេរិក បានធ្លាក់ចុះជាង ៣០០លានដុល្លារ​អាមេរិក ក្នុងអំឡុងពេលនោះ រួមមាន បន្ទះសូឡា ម៉ាស៊ីនបោកគក់ ផលិតផលដែក និងអាលុយមីញ៉ូម។

ការនាំចេញរបស់​ប្រទេសថៃ ទៅកាន់​ប្រទេសចិន ក៏មានការ​ធ្លាក់ចុះផងដែរ ប្រមាណ ១ពាន់លាន​ដុល្លារ​អាមេរិក មានដូចជា រថយន្ត គ្រឿងបន្លាស់ សម្ភារៈប្រើប្រាស់ក្នុងផ្ទះ និងការិយាល័យ គ្រឿងម៉ាស៊ីន និងឧបករណ៍​អេឡិចត្រូនិក​ជាច្រើនមុខទៀត៕

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ក្រុមហ៊ុន Uber «ខាត ១ ពាន់លានដុល្លារ» នៅត្រីមាសទី១ ឆ្នាំនេះ! ហេតុអ្វី?

ព័ត៌មាន
ក្រុមហ៊ុន ផ្ដល់សេវាចែករំលែកការធ្វើដំណើរ ដ៏ធំរបស់អាមេរិក បានប្រកាសពីការខាតបង់ប្រាក់ចំណេញ របស់ខ្លួនប្រមាណ ១ពាន់លានដុល្លារអាមេរិក នៅរ...

ចិន លើកលែងពន្ធនាំចូលផលិតផលគ្រឿងសមុទ្រ ៣៣មុខ ពីប្រទេសវៀតណាម

ព័ត៌មាន
ប្រទេសចិន បានសម្រេចលើកលែងពន្ធលើ ការនាំចូលផលិតផលគ្រឿងសមុទ្ររបស់ វៀតណាម រហូតដល់ ៣៣មុខឯណោះ ដែលក្នុងនោះមានទាំង ប្រភេទគ្រឿងសមុទ្រនាំចេញស...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ