ផ្លូវរថភ្លើងនៃគម្រោងនេះ មានប្រវែង ២៥០គីឡូម៉ែត្រ តភ្ជាប់រាជធានីបាងកក ទៅកាន់ខេត្តឧត្ដរទិស ណាខន រាឆាសីម៉ា។
បើយោងតាមការចុះផ្សាយរបស់ទីភ្នាក់ងារព័ត៌មានពិភពលោក រ៉យទ័រ កិច្ចសន្យាទាំងពីរនេះត្រូវបានចុះហត្ថលេខានៅខាងក្រៅជំនួបកំពូល BRICS នៅប្រទេសចិន ដោយមានលោកប្រធានាធិបតីចិន ស៊ី ជិនពីង និងនាយករដ្ឋមន្ត្រីថៃ លោក ប្រាយុត ចាន់អូចា ចូលរួមធ្វើជាសាក្សី។
ការសាងសង់នៃដំណាក់កាលទីមួយសម្រាប់គម្រោងផ្លូវរថភ្លើងល្បឿនលឿននេះ នឹងចាប់ផ្ដើមនៅខែតុលាខាងមុខនេះ ហើយផ្លូវរថភ្លើងចម្ងាយ ២៥០គីឡូម៉ែត្រនេះ ត្រូវគេរំពឹងថា នឹងសាងសង់រួចរាល់ និងដាក់ឲ្យប្រើប្រាស់ នៅឆ្នាំ២០២១។
តើអ្នកបានអានអត្ថបទនេះ ឬនៅ?
កំណត់ផ្លូវរថភ្លើងនេះ ជាផ្នែកនៃផ្លូវរថភ្លើងមេចម្ងាយ ៨៧៣គីឡូម៉ែត្រ ដែលតភ្ជាប់ប្រទេសថៃនិងប្រទេសឡាវ ដោយកាត់ទន្លេមេគង្គ ត្រង់ក្រុង នងខៃ នៃភាគខាងជើងប្រទេសថៃ។
គម្រោងនេះ ក៏ជាផ្នែកមួយនៃគំនិតផ្ដួចផ្ដើមខ្សែក្រវាត់មួយ វិថីមួយរបស់ចិនផងដែរ ដែលមានបំណងស្ថាបនា«វិថីសូត្រ»សម័យទំនើប ដែលតភ្ជាប់ប្រទេសសេដ្ឋកិច្ចធំបំផុតទីពីរនៃសាកលលោកមួយនេះ ជាមួយតំបន់អាស៊ីអាគ្នេយ៍ ប៉ាគិស្ថាន និងអាស៊ីភាគកណ្ដាល តាមផ្លូវគោក និងតាមផ្លូវទឹក ដោយបើកចំហពាណិជ្ជកម្មជាមួយមជ្ឈិមបូព៌ា និងអឺរ៉ុប៕
