ថៃរំពឹងទទួលបានអ្នកដំណើរ ២,៤ម៉ឺននាក់ ជារៀងរាល់ថ្ងៃក្នុងខែវិច្ឆិកានេះ
ព័ត៌មាន
•
ក្រុមហ៊ុនអាកាសយានដ្ឋានថៃ បានឱ្យដឹងថា អ្នកដំណើរតាមផ្លូវអាកាសប្រមាណ ៧២ ម៉ឺននាក់ ត្រូវបានគេរំពឹងថា នឹងធ្វើដំណើរតាមជើងហោះហើរក្នុងស្រុក និ…
ប្រទេសថៃ ត្រូវបានគេដឹងថា គឺជាប្រទេសមួយនៅអាស៊ីដែលមានការរាតត្បាតកូវីដ១៩ក្នុងរយៈពេលយូរជាងគេ ប៉ុន្ដែ នៅមួយរយៈចុងក្រោយនេះ ករណីឆ្លងក្នុងប្រទេសនេះ ហាក់មានការថមថយចុះមកវិញហើយ ដែលអនុញ្ញាតឲ្យរាជរដ្ឋាភិបាលមានការបន្ធូរបន្ថយលើការរឹតត្បិតនានា ហើយបានសម្រេចបើកប្រទេសទទួលភ្ញៀវទេសចរបរទេសឡើងវិញដោយមិនចាំបាច់ធ្វើចត្តាឡីស័កថែមទៀតផង។ វិធានការបន្ធូរបន្ថយទាំងនេះ ត្រូវបានគេមើលឃើញថា គឺជាកត្តាដ៏សំខាន់មួយក្នុងការជួយឲ្យវិស័យទេសចរណ៍ ក៏ដូចជាសេដ្ឋកិច្ចរបស់ប្រទេសថៃស្ទុះងើបឡើងវិញ។
លោក ស៊ូផាថាណាផុង ឧបនាយករដ្ឋមន្ត្រី និងជារដ្ឋមន្ត្រីក្រសួងថាមពលរបស់ថៃបានអះអាងថា ប្រទេសថៃ គឺបានឆ្លងផុតដំណាក់កាលដ៏អាក្រក់បំផុតហើយ ខណៈដែលស្ថិរភាពសារពើពន្ធ និងហិរញ្ញវត្ថុក៏នៅតែបន្ដមានផងដែរ។ លោកបន្ថែមថា ប្រទេសថៃ កំពុងរំកិលទៅរកគោលដៅ ចាក់វ៉ាក់សាំងជូនពលរដ្ឋរបស់ខ្លួនឲ្យបានដល់ ៧០% នៅត្រឹមចុងឆ្នាំនេះ ខណៈដែលស្ថិរភាពនៃវិស័យផលិត ដើម្បីគាំទ្រដល់ការនាំចេញ នៅតែជាក្បាលម៉ាស៊ីនសំខាន់ក្នុងការជំរុញកំណើនសេដ្ឋកិច្ច។
សេដ្ឋកិច្ចថៃ ត្រូវបានរំពឹងថា នឹងបន្ដទទួលបានការគាំទ្រដោយគម្រោងវិនិយោគប្រមាណ ១៨ពាន់លានដុល្លារអាមេរិក នៅក្នុងឆ្នាំនេះ ហើយតាមផែនការរាជរដ្ឋាភិបាលនឹងធ្វើយ៉ាងណាទាក់ទាញជនបរទេសមកស្នាក់នៅរយៈពេលវែងក្នុងប្រទេសថៃឲ្យបានដល់ ១លាននាក់នៅក្នុងរយៈពេល ៥ឆ្នាំខាងមុខនេះ ជាមួយនឹងការចំណាយ៣០ពាន់លានដុល្លារផងដែរ។ នេះបើតាមការអះអាងរបស់ឧបនាយករដ្ឋមន្ត្រីថៃ លោក ស៊ូផាថាណាផុង។
សូមបញ្ជាក់ថា កាលពីឆ្នាំ២០១៩ ថៃទទួលបានទេសចរបរទេសសរុបជិត ៤០លាននាក់ ជាមួយនឹងប្រាក់ចំណូលប្រមាណ៥៧ពាន់លានដុល្លារអាមេរិកហើយនៅឆ្នាំ២០២១នេះវិញ ក្រសួងហិរញ្ញវត្ថុថៃ ព្យាករថា អ្នកដំណើរបរទេសមកដល់ប្រទេសថៃ នឹងមានប្រមាណ១៨ម៉ឺននាក់។
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
