មណ្ឌលសុខាភិបាល សង្គ្រោះនិងឆ្លើយតបបន្ទាន់ នៅប្រចាំតំបន់អាស៊ាននេះបង្កើតឡើង ដើម្បីពង្រឹងសមត្ថភាពក្នុងតំបន់ ក្នុងការដោះស្រាយភាពអាសន្នផ្នែកសុខភាពសាធារណៈណាមួយ និងជាពិសេសដោះស្រាយនឹងជំងឺឆ្លងកូវីដ១៩ដែលកំពុងកើតឡើង និងសម្រាប់ពេលអនាគត។
ការបញ្ជាក់របស់ឧបនាយករដ្ឋមន្ត្រីនិងជារដ្ឋមន្ត្រីក្រសួងសុខាភិបាលថៃរូបនេះ បានធ្វើឡើងនៅពេលលោកកំពុងចូលរួមកិច្ចប្រជុំគណៈរដ្ឋមន្ត្រីសុខាភិបាលអាស៊ានលើកទី១៥និងកិច្ចប្រជុំពាក់ព័ន្ធមួយចំនួនទៀតនៅលើកោះបាលីនៅក្នុងប្រទេសឥណ្ឌូនេស៊ី។
រដ្ឋមន្ត្រីរូបនេះបាននិយាយថា ប្រទេសសមាជិកអាស៊ានចំនួន ៦ បានសម្តែងការគាំទ្រចំពោះប្រទេសថៃនៅក្នុងដំណើរការជ្រើសរើសនេះ ក្នុងនោះព្រះរាជាណាចក្រថៃនឹងត្រូវធ្វើការប្រកួតប្រជែងជាមួយប្រទេសឥណ្ឌូនេស៊ី និងប្រទេសវៀតណាម។
អត្ថបទគួរអាន
គួរជម្រាបថា ក្រុមមេដឹកនាំអាស៊ានបានអនុម័តយល់ព្រមលើសំណើសុំឱ្យបើកដំណើរការមជ្ឈមណ្ឌលសុខាភិបាល សង្គ្រោះនិងឆ្លើយតបបន្ទាន់នៅក្នុងតំបន់អាស៊ាន (ACPHEED) ដើម្បីពង្រឹងសមត្ថភាពក្នុងតំបន់ ក្នុងការដោះស្រាយភាពអាសន្នផ្នែកសុខភាពសាធារណៈណាមួយ និងជាពិសេសដោះស្រាយនឹងជំងឺឆ្លងកូវីដ១៩ដែលកំពុងកើតឡើង និងសម្រាប់ពេលអនាគត។
លោក អានូទីន បានបន្ថែមថា ក្រុមរដ្ឋមន្ត្រីសុខាភិបាលអាស៊ាន បានពិភាក្សាគ្នាលើសេចក្តីព្រាង កិច្ចព្រមព្រៀងស្តីពីការចេញវិញ្ញាបនបត្រសុខភាពសម្រាប់ប្រជាពលរដ្ឋដែលធ្វើដំណើរពីប្រទេសមួយទៅប្រទេសមួយទៀតនៅក្នុងតំបន់អាស៊ាន ស្របពេលដែលកូវីដ១៩នៅមិនទាន់ផុតរលត់ពីប្រទេសទាំងនេះនៅឡើយ។
បើតាមមន្ត្រីជាន់ខ្ពស់ថៃរូបនេះ រដ្ឋមន្ត្រីសុខាភិបាលអាស៊ានក៏បានចេញសេចក្តីថ្លែងការណ៍រួមដែលបញ្ជាក់ពីការប្តេជ្ញាចិត្តរបស់ពួកគេក្នុងការជួយដល់ការអភិវឌ្ឍន៍ប្រព័ន្ធសុខាភិបាលសាធារណៈរបស់អាស៊ានផងដែរ៕
អត្ថបទ៖ សុខ ជា
None
