លោកវេជ្ជបណ្ឌិត Wicharn Pawan ប្រធានផ្នែកជំងឺឆ្លងទូទៅ ដែលស្ថិតក្រោមនាយកដ្ឋានគ្រប់គ្រងជំងឺ (DDC) បាននិយាយថា ការឆ្លង និងការស្លាប់ដោយមេរោគកូវីត ១៩ បានកើនឡើងយ៉ាងខ្លាំង បន្ទាប់ពីពិធីបុណ្យសង្ក្រាន្តឆ្នាំមុន ដោយសារនៅគ្រានោះ ការចាក់វ៉ាក់សាំងនៅមានកម្រិត ។ លោកបានបន្ថែមថា ក្រសួងនឹងមិនព្រលែងដៃទៀតទេនៅក្នុងឆ្នាំនេះ ហើយនឹងបង្កើនល្បឿននៃការចាក់វ៉ាក់សាំងសម្រាប់មនុស្សចាស់ ឲ្យបានមុនថ្ងៃឈប់សម្រាកមកដល់។
លោក Wicharn បានអះអាងថា មនុស្សវ័យចំណាស់គួរតែទទួលបានវ៉ាក់ស៊ាំង ដូសជំរុញ ឬដូសទីបី ព្រោះវានឹងជួយបន្ធូបន្ថយភាពធ្ងន់ធ្ងរនៃមេរោគ និងកាត់បន្ថយហានិភ័យនៃការស្លាប់។
អត្ថបទគួរអាន
ការិយាល័យសុខាភិបាលសាធារណៈនៅថ្នាក់ខេត្តត្រូវបានស្នើឲ្យមានការពិនិត្យយ៉ាងសកម្មនូវស្ថានភាពការចាក់ថ្នាំវ៉ាក់សាំងនៅតាមតំបន់នីមួយៗ ពិសេសការផ្ដល់វ៉ាក់សាំងដល់ប្រជាពលរដ្ឋវ័យចំណាស់ដែលដល់ពេលត្រូវចាក់ដូសជំរុញទាំងអស់ ឲ្យទទួលបានការចាក់វ៉ាក់សាំងលើកទីបីឲ្យបានគ្រប់ៗគ្នា។ ក្នុងនោះ វ៉ាក់ស៊ាំងបង្ការកូវីត១៩ ប្រហែល ៣ លានដូស ត្រូវបានរៀបចំសម្រាប់ប្រជាពលរដ្ឋវ័យចំណាស់។
គួរកត់សម្គាល់ថា បច្ចុប្បន្ននេះ ប្រជាជនថៃប្រហែលជាង ១០ លាននាក់ដែលមានអាយុលើសពី ៦០ ឆ្នាំបានទទួលការចាក់វ៉ាក់សាំងបង្ការកូវីដ ១៩ ដូសទី១ ដែលក្នុងនោះមាន ១០ លាននាក់ផ្សេងទៀតបានទទួលការចាក់លើកទី ២។ ដោយឡែក យោងតាមតួលេខរបស់នាយកដ្ឋានបានឱ្យដឹងថា មនុស្សប្រហែលជាង ៤លាននាក់បានទទួលការចាក់ដូសជំរុញរួច។
គួរជម្រាបថា លោក Chawetsan Namwat នាយកផ្នែកគ្រប់គ្រងហានិភ័យសុខភាពបន្ទាន់ និងជំងឺ ក្រោម នាយកដ្ឋានគ្រប់គ្រងជំងឺ កាលពីថ្ងៃច័ន្ទ លើកឡើងពីការរកឃើញ នៃការសិក្សាដែលធ្វើឡើងដោយមហាវិទ្យាល័យសុខភាពសាធារណៈនៃសាកលវិទ្យាល័យឈៀងម៉ៃ ដែលបង្ហាញថាការចាក់ដូសជំរុញ ឬដូសទីបីនឹងផ្តល់នូវការការពារ ៦៨% ក្នុងការប្រឆាំងនឹងមេរោគបំប្លែងថ្មីអូមីក្រុង ខណៈការចាក់ដូសទីបួននឹងជួយការពារបានជាង ៨២%៕
អត្ថបទ វ៉ាន់ ស្រីរ័ត្ន
None
