តើមានកត្តាអ្វីទាញទម្លាក់តម្លៃអង្ករនៅលើទីផ្សារអន្តរជាតិ ឱ្យធ្លាក់ចុះខ្លាំងនៅដើមឆ្នាំនេះ?
ស្របពេលផលិតកម្មស្រូវនៅលើពិភពលោកត្រូវបានគេប៉ាន់ប្រមាណថា នឹងកើនដល់៥៣០លានតោន ពោលគឺមានកំណើនប្រមាណ៣លានតោន បើធៀបនឹងបរិមាណផលិតកម្មស្រូវនៅរដ…
ការកើនឡើងតម្លៃលំនៅដ្ឋានបានធ្វើឱ្យបុគ្គលិកជាច្រើនចាកចេញពីទីក្រុងធំៗ ដែលជំរុញឱ្យនិយោជកជាច្រើនត្រូវបង្កើនការផ្តល់អត្ថប្រយោជន៍ដល់បុគ្គលិក ដើម្បីទាក់ទាញ និងរក្សាបុគ្គលិក បើមិនដូច្នេះទេ ពួកគេអាចប្រឈមមុខនឹងខ្វះកម្លាំងពលកម្មសម្រាប់បម្រើការងារ។ បច្ចុប្បន្នទីក្រុងធំៗនៅអឺរ៉ុប ដែលកំពុងជួបបញ្ហានេះ រួមមាន ទីក្រុងឡុងដ៍ ប្រទេសអង់គ្លេស ទីក្រុងឌូប្លិន ប្រទេសអៀរឡង់ និងទីក្រុងអាំស្ទែដាំ ប្រទេសហូឡង់។
វិបត្តិលំនៅឋាននៅប្រទេសអៀរឡង់ កាន់តែអាក្រក់ទៅៗក្នុងរយៈពេលប៉ុន្មានខែកន្លងមកនេះ ដោយសារក្រុមហ៊ុនជាច្រើននៅទីក្រុង ឌូប្លិន ប្រឈមមុខនឹងកង្វះបុគ្គលិក ដោយសារបុគ្គលិកត្រូវបានបង្ខំឱ្យចាកចេញពីរដ្ឋធានី ដោយសារតែមិនអាចទប់ទល់នឹងការចំណាយដ៏ខ្ពស់បាន។
តាំងពីត្រីមាសទី២នៃឆ្នាំ២០២៤ មក តម្លៃឈ្នួលបន្ទប់ស្នាក់នៅដ៏តូចមួយនៅទីក្រុងឌូប្លិន ឡើងដល់ជាង២៤០០ដុល្លារក្នុងមួយខែ។ កត្តាដែលជំរុញឱ្យតម្លៃបន្ទប់ស្នាក់នៅហក់ឡើងខ្ពស់ ក៏ដោយសារទីក្រុងកាន់តែចង្អៀត ពោលគឺនៅក្នុងឆ្នាំ២០២៤ លំនៅឋានដែលមាននៅក្នុងទីផ្សារមានត្រឹមតែ៥១ពាន់យូនីតប៉ុណ្ណោះ។
លោក ម៉ាយឃើល អូឡឺរី (Michael O'Leary)នាយកប្រតិបត្តិរបស់ក្រុមហ៊ុនមួយបានលើកឡើងថា នៅពេលនេះបើក្រុមហ៊ុនចង់បានបុគ្គលិកមកបម្រើការងារ គ្រប់ក្រុមហ៊ុនត្រូវហ៊ានវិនិយោគសាង់សង់លំនៅឋានសម្រាប់ជួលដល់បុគ្គលិក ដែលមានតម្លៃសមរម្យ។
វិបត្តិលំនៅឋាននៅអឺរ៉ុបនេះ ត្រូវបានគេអះអាងថា បានលេចចេញជាសញ្ញាតំាងពីទស្សវត្សរ៍ឆ្នាំ២០០០មកម៉្លេះ ប៉ុន្តែនៅតែមិនទាន់អាចដោះស្រាយបាន ស្របពេលដែលតម្លៃលំនៅឋានមួយអាចមានតម្លៃពីជាង៦លាន ទៅ៧លានដុល្លារនៅពេលនេះ៕
ដោយៈ សរ សុជាតិ
