រោងចក្រដំឡើងរថយន្ដ Ford នៅខេត្តពោធិ៍សាត់នឹងបញ្ចប់ការសាងសង់នៅចុងត្រីមាសទី១ ឆ្នាំ២០២២
ថ្នាក់ដឹកនាំក្រុមហ៊ុន RMA Cambodia ដែលជាក្រុមនាំចូលផ្តាច់មុខរថយន្ត Ford បានបញ្ជាក់ថា រោងចក្របង្គុំ និងដំឡើងរថយន្ត Ford នៅខេត្តពោធិ៍សាត…
អ្នកវិភាគខ្លះអះអាងថា ថ្ងៃអនាគតសេដ្ឋកិច្ចចិន អាចតាមប្រកៀកប្រកិត ឬរហូតអាចវ៉ាដាច់អាមេរិកតែម្តងក៏ថាបាន។
ទំហំផលិតផលក្នុងស្រុកសរុប ឬGDP របស់ចិនបានបន្តកើនឡើងក្នុងអត្រា៧០% ចាប់តាំងពីឆ្នាំ២០១២មក។ តើមានកត្តាអ្វីខ្លះ ដែលជំរុញឲ្យសេដ្ឋកិច្ចចិន ធ្លាប់តែទន់ខ្សោយងើបមករត់ប្រដំប្រសងជាមួយនឹងមហាយក្សសេដ្ឋកិច្ចលេខ១ អាមេរិកយ៉ាងដូច្នេះ? សេដ្ឋកិច្ចចិនស្ទុះងើបឡើងខ្លាំង មែនទែនទៅ គឺបានចូលរួមខ្លាំងពី ការចំណាយលើការប្រើប្រាស់របស់ពលរដ្ឋ ហើយវាជាកម្លាំងដ៏សំខាន់នៅពីក្រោយកំណើនសេដ្ឋកិច្ចរបស់ប្រទេសក្រោមការដឹកនាំរបស់លោក ស៊ី ជីនពីង។
ការលក់រាយសរុបនៃផលិតផលប្រើប្រាស់ក្នុងស្រុកចិន ដែលរាប់បញ្ចូលទាំងការលក់លើទីផ្សារ និងតាមប្រព័ន្ធអ៊ីនធឺណិត បានឈានដល់ទំហំជិត ៥ទ្រីលានដុល្លារអាមេរិក បើគិតពីខែមករាដល់ខែកញ្ញាឆ្នាំនេះ មានការកើនឡើង ១១០% ធៀបនឹងរយៈពេលដូចគ្នា កាលពីឆ្នាំ២០១២។
ការវិនិយោគលើទ្រព្យសកម្ម ឬ ការវិនិយោគលើវិស័យសាធារណៈ រោងចក្រ និង ហេដ្ឋារចនាសម្ព័ន្ធផ្សេងៗ បានកើនឡើង ៥៥% ក្នុង១០ខែឆ្នាំ២០២១។ ការនាំចេញបានកើនឡើងជាង ៦០% ឯ ការនាំចូលកើនជិត ៥០% បើធៀបនឹងរយៈពេល ១០ខែដូចគ្នាក្នុងឆ្នាំ២០១២។
បុរសរដ្ឋខ្លាំង លោក ស៊ី ជីនពីង បានផ្តោតសំខាន់លើការលើកកំពស់ជីវភាពក្រុមគ្រួសារដែលមានប្រាក់ចំណូលទាប និង យកចិត្តទុកបំផុតក្នុងការលុបបំបាត់ភាពក្រីក្ររបស់ពលរដ្ឋចិន។ ជាក់ស្តែង បច្ចុប្បន្នអ្នករស់នៅក្នុងទីក្រុងនិង ទីប្រជុំជនមានប្រាក់ចំណូលច្រើនជាងគេ ពោលគឺ បានកើនឡើង ១៦០% បើធៀបនឹងឆ្នាំ២០១២ គ្រាដែលលោកស៊ី ទើបឡើងកាន់តំណែងដំបូង។
យ៉ាងណាមិញ ការដែលអ្នករស់នៅទីក្រុងមានប្រាក់ចំណូលកាន់តែច្រើន គម្លាតរវាងអ្នកមាន និងអ្នកក្រ ពិសេសរវាង អ្នកដែលរស់នៅជនបទ ឬទីក្រុងតូចៗ ក៏កើតមានកាន់តែច្រើនដែរ។
មួយវិញទៀត ទោះប្រាក់ចំណូលច្រើនមែន តែតម្លៃនៃការរស់នៅក៏មានខ្ពស់ដូចគ្នាដែរ។ ខុនដូ ឬផ្ទះសម្រាប់ស្នាក់នៅក្នុងទីក្រុងមានតម្លៃខ្ពស់កប់ពពក ទោះបីជាអ្នកមកពីតាមបណ្តាខេត្ត ត្រូវធ្វើការពេញមួយជិវិត ក៏នៅតែមិនអាចទិញផ្ទះមួយខ្នងបានដែរ។
សូមជម្រាបថា នៅត្រីមាសទី៣នៃឆ្នាំនេះ សេដ្ឋកិច្ចចិនបង្ហាញពីកំណើនយឺតក្តី ហើយបច្ចុប្បន្នចិនកំពុងស្ថិតក្នុងវិបត្តិថាមពល និងបញ្ហាអចលនទ្រព្យក៏ដោយ ប៉ុន្តែសេដ្ឋវិទូអន្តរជាតិមួយចំនួន ជឿជាក់ថា ចិន អាចដោះស្រាយបញ្ហាទាំងអស់នេះបាន ក្រោមការគ្រប់គ្រងរបស់បុរសរដ្ឋខ្លាំង ស៊ី ជីនពីង។ ខណៈដែលថ្នាក់ដឹកនាំជាន់ខ្ពស់ក្រុងប៉េកាំងមួយចំនួន បានអះអាងដែរថា ខ្លួនមានសមត្ថភាពនិ ង វិធីសាស្ត្រក្នុងការដោះស្រាយបញ្ហាប្រឈមទាំងនេះមិនឲ្យសេដ្ឋកិច្ចចិនជួបបញ្ហា ដាំក្បាលចុះនោះឡើយ៕
None
