តើថៃមើលឃើញពីបញ្ហា និងឱកាសអ្វីខ្លះ ជុំវិញភាពតានតឹងចិន និងតៃវ៉ាន់ថ្មីៗនេះ?
ក្រុមហ៊ុនអាជីវកម្មថៃមួយចំនួនរំពឹងថាមានផលប៉ះពាល់អវិជ្ជមានតិចតួចប៉ុណ្ណោះសម្រាប់ពូកគេ ពីភាពតានតឹង រវាងចិននិងតៃវ៉ាន់ បន្ទាប់ពីដំណើរទស្ស…
សង្គ្រាមអូសបន្លាយអស់ពេល៦ខែមកហើយ ត្រូវបានប្រមុខនៃសម្ព័ន្ធមិត្តយោធាណាតូស្បថសច្ចាថា នឹងមិនអនុញ្ញាតឱ្យទីក្រុងម៉ូស្គូឈ្នះសង្រ្គាមនេះជាដាច់ខាត។
ក្រោយឈានចូលដល់ខែទី៦នៃសង្គ្រាម ប្រធានាធិបតីអ៊ុយក្រែនបានប្រដូចស្ថានការណ៍លើសមរភូមិក្នុងតំបន់ដុនបាសភាគខាងកើតអ៊ុយក្រែន នៅមួយសប្តាហ៍ចុងក្រោយនេះ ទៅនឹងឋាននរក។ លោកបានកត់សម្គាល់អំពីការប្រយុទ្ធគ្នាយ៉ាងខ្លាំងក្លានៅជុំវិញទីក្រុង អាវឌីវកា(Avdiivka)។ វាគឺជាទីក្រុងដែលមានសារៈសំខាន់ក្នុងតំបន់ Donetsk របស់អ៊ុយក្រែន។ ទីក្រុងនេះស្ថិតនៅចំកណ្តាលនៃតំបន់ដុនបាស និងស្ថិតនៅភាគខាងជើងនៃខេត្ត Donetsk ។
ទោះយ៉ាងណា ក្រោយការប្រឹងប្រែងអស់ពេលជាច្រើនថ្ងៃ កងកម្លាំងអ៊ុយក្រែនបានដណ្តើមយកភូមិចំនួនពីរជុំវិញទីក្រុងខាងលើមកវិញ និងបានវាយរុញកងទ័ពរុស្ស៊ីឱ្យត្រឡប់ទៅជាយក្រុង Avdiivka វិញផងដែរ។ ក្រសួងការពារជាតិរុស្ស៊ីបានបញ្ជាក់ពីការវាយលុករបស់ខ្លួនចូលទីក្រុងមួយនេះ ប៉ុន្តែមិនបានបញ្ជាក់ពីការដកទ័ពថយ និងការបាត់បង់ភូមិទាំងពីរខាងលើទៅឱ្យអ៊ុយក្រែនវិញនោះទេ។
អ៊ុយក្រែន និងលោកខាងលិច ដែលពណ៌នាសកម្មភាពរបស់រុស្ស៊ីថាជាសង្រ្គាមឈ្លានពានតាមបែបចក្រពត្តិបាននិយាយថា កងកម្លាំងរុស្ស៊ីត្រូវតែដកថយទៅកាន់ទីតាំងរបស់ពួកគេដូចមុនថ្ងៃទី២៤ខែកុម្ភៈ ជាពេលដែលលោកពូទីន បានបញ្ជូនកងទ័ពរាប់ម៉ឺននាក់ចូលទៅក្នុងប្រទេសអ៊ុយក្រែន។ ប៉ុន្តែវិមានក្រឹមឡាំងមិនបានអើពើនឹងការទទូចឡើយ ហើយផ្ទុយទៅវិញគេរឹតតែបានបង្កើនការវាយប្រហារមិនដកដៃ។
អគ្គលេខាធិការអង្គការណាតូ លោក ចេន ស្តូលេប៊ឺក(Jens Stoltenberg) បាននិយាយកាលពីថ្ងៃព្រហស្បតិ៍ថា សង្រ្គាមនៅអ៊ុយក្រែន គឺជាពេលវេលាដ៏គ្រោះថ្នាក់បំផុតសម្រាប់អឺរ៉ុបចាប់តាំងពីក្រោយសង្គ្រាមលោកលើកទី២ ហើយថា រុស្ស៊ីមិនត្រូវអនុញ្ញាតឱ្យឈ្នះសង្គ្រាមនេះឡើយ។លោកបានបន្តថា ដើម្បីរារាំងទីក្រុងមូស្គូពីភាពជោគជ័យ អង្គការណាតូ និងប្រទេសជាសមាជិករបស់ខ្លួន ប្រហែលជាត្រូវគាំទ្រអ៊ុយក្រែនជាមួយនឹងអាវុធ និងជំនួយផ្សេងទៀតសម្រាប់រយៈពេលដ៏យូរអង្វែង។
ចំពេលមានការភ័យខ្លាចក្នុងចំណោមអ្នកនយោបាយមួយចំនួនរបស់លោកខាងលិច ថា មហិច្ឆតារបស់រុស្ស៊ីអាចលើសពីការវាយប្រហារអ៊ុយក្រែន លោក Stoltenberg បានព្រមានលោក ពូទីនថា បើសង្គ្រាមរាលដាលជ្រុលលើសពីអ៊ុយក្រែន និងទទួលបានការឆ្លើយតបដ៏ច្រើនលើសលប់ដូចគ្នា។
សូមជម្រាបថា សង្រ្គាមនៅអ៊ុយក្រែនបាននាំឱ្យប្រទេសហ្វាំងឡង់ និងស៊ុយអែតដែលធ្លាប់តែជាប្រទេសអព្យាក្រឹត ត្រូវបង្ខំចិត្តរត់មកចូលបក្សសម្ព័ន្ធរបស់អង្គការណាតូ ខណៈសំណើរហូតមកដល់ពេលនេះ បានផ្តល់សច្ចាប័នដោយប្រទេសចំនួន២៣រួចហើយ ក្នុងចំណោមរដ្ឋសមាជិកចំនួន ៣០ រួមទាំងសហរដ្ឋអាមេរិកផងដែរ៕
